தமிழகத்தில் இன்று

கபில், அஸார், ஜடேஜா, சித்து வீடுகளில் வருமான வரித்துறையினர் ரெய்டு

டெல்லி:

மேட்ச் பிக்ஸிங் தொடர்பான குற்றச்சாட்டுகளை அடுத்து கபில்தேவ், அஸாருதீன்,ஜடேஜா, சித்து, மோங்கியா ஆகிய கிரிக்கெட் வீரர்கள் மற்றும் கிரிக்கெட்சூதாட்டக்காரர்களின் வீடுகளில் வருமான வரித்துறையினர் ஒரே நேரத்தில் திடீர்சோதனை மேற்கொண்டனர்.

இந்திய கிரிக்கெட் வீரர்கள் மேட்ச் பிக்ஸிங்கில் ஈடுபட்டதாக குற்றச்சாட்டுகள்கூறப்பட்டன. முதன் முதலில் இத்தகைய குற்றச்சாட்டுகளை இந்திய கிரிக்கெட்அணியின் முன்னாள் வீரர் மனோஜ் பிரபாகர் கூறினார்.

பிரபாகரின் குற்றச்சாட்டுகளை அடுத்து மேட்ச் பிக்ஸிங் குறித்து சிபிஐ விசாரணைக்குமத்திய அரசு உத்தரவிட்டது. தற்போது இது குறித்து சிபிஐ அதிகாரிகள் தீவிரமாகவிசாரித்து வந்தனர்.

இந் நிலையில், இந்திய அணியின் முன்னாள் கேப்டன் கபில்தேவ் தனக்கு ரூ,25 லட்சம்கொடுக்க முன் வந்ததாகப் பிரபாகர் கூறினார். அதற்கு ஆதாரமாக சில வீரர்களின்பெயரையும் அவர் குறிப்பிட்டார்.

இதையடுத்து இந்திய கிரிக்கெட் வீரர்கள் மீதான குற்றச்சாட்டுகள் பெரியவிவகாரமாயின. சிபிஐ தனது விசாரணையை முடிக்கி விட்டுள்ளது.

இந் நிலையில், மேட்ச் பிக்ஸிங் சம்பவத்தில் முக்கிய திருப்பமாக முக்கிய கிரிக்கெட்வீரர்களின் வீடுகளில் வருமான வரித் துறை அதிகாரிகள் வியாழக்கிழமை திடீர்சோதனை மேற்கொண்டது.

இந்திய அணியின் தற்போதைய பயிற்சியாளர் கபில்தேவ், அசாருதீன், அஜய் ஜடேஜா,சித்து, மோங்கியா ஆகியோரது வீடுகளிலும், சர்வதேச கிரிக்கெட் கவுன்சிலின்முன்னாள் தலைவர் ஜக்மோகன் டால்மியா மற்றும் கிரிக்கெட் சூதாட்டக்காரர்கள்ஆகியோரது வீடுகளில் ஒரே நேரத்தில் வருமான வரித்துறையின் சோதனைமேற்கொண்டனர்.

காலை 8.30 மணிக்கே சோதனை தொடங்கிவிட்டதாகக் கூறிய வருமான வரித்துறைஉயர் அதிகாரி ஒருவர், சோதனை நடத்தப்படும் கிரிக்கெட் வீரர்களின் பெயர்களைத்தெரிவிக்க மறுத்துவிட்டார். ஆனால், 5 கிரிக்கெட் வீரர்களின் வீடுகளில் சோதனைநடத்தப்படுவதை அவர் ஒப்புக் கொண்டார்.

டெல்லியில் உள்ள கபில்தேவ், ஜடேஜா, நிகில் சோப்ரா, அஜய் சர்மா ஆகியோரதுவீடுகளிலும், ஹைதராபாத் மற்றும் மும்பையில் உள்ள அசாருதீனின் வீடுகளிலும்,பாடியாலாவில் உள்ள சித்துவின வீட்டிலும் சோதனை நடத்தப்பட்டதாக வருமானவரித்துறை அதிகாரிகள் தெரிவித்தனர்.

இது தவிர, அகமதாபாத்தில் உள்ள சில கிரிக்கெட் சூதாட்டக்காரர்களின் வீடுகளிலும்சோதனை நடத்தப்பட்டதாக அவர்கள் கூறினர்.

மும்பையில் உள்ள சுனில் கவாஸ்கரின் வீட்டில் சோதனை நடத்தப்பட்டதாக வந்தசெய்தியை அவர்கள் மறுத்துள்ளனர்.

யு.என்.ஐ.