• search
For Quick Alerts
ALLOW NOTIFICATIONS  
For Daily Alerts

    இந்த வாரம்

    By Staff
    |

    அசார், ஜடேஜா வீட்டில் வருமான வரித்துறை சோதனை

    டெல்லி :

    வருமானவரித்துறை அதிகாரிகள் இந்தியக் கிரிக்கெட் வீரர் அஜய் ஜடேஜா மற்றும் முன்னாள் கேப்டன் அசாரூதினின் வீடுகளில் செவ்வாய்க்கிழமைஅதிரடி சோதனை நடத்தினர்.

    வருமானவரித் துறை புலனாய்வுப் பிரிவு டைரக்டர் ஜெனரல் எஸ்.சி.பரிஜா இதுகுறித்துக் கூறுகையில்,

    கிரிக்கெட் சூதாட்டத்தில் தொடர்புடையதாக குற்றம்சுமத்தப்பட்ட அஜய் ஜடேஜா மற்றும் முன்னாள் கேப்டன் அசாரூதின் ஆகியோர் வீடுகளில்ஏற்கனவே கடந்த ஜூலை 20 ம் தேதி சோதனை நடந்தது.

    வருமானவரித்துறை அதிகாரிகள் நடத்திய அந்த சோதனை இன்னும் முடிவடையவில்லை. அந்தச் சோதனையின் போதும் குற்றம்சாட்டப்பட்ட இருவரும்வெளிநாடு சென்றிருந்தனர். அதனால் தற்போது இரண்டாவது முறையாக சோதனை நடந்தது.

    ஒரே நேரத்தில் டெல்லியில் ஜடேஜா வீட்டிலும், ஹைதராபாத்தில் அசாரூதின் வீட்டிலும் அதிகாரிகள் சோதனை நடத்தினார்கள்.

    இருவருமே லண்டனில் நடந்த கிரிக்கெட் போட்டியில் கலந்து கொண்டு விட்டு இப்போதுதான் இந்தியா திரும்பியுள்ளனர்.

    ஹைதராபாத் பஞ்சாரா ஹில்சில் உள்ள அசாரூதினின் வீட்டுக்கு காலை 8.30 மணிக்கு வருமானவரித்துறை அதிகாரிகள் சென்றனர். இந்தச் சோதனையின்போது அதிகாரிகள் அசாரூதீனிடம் சுமார் 5 மணி நேரம் விசாரணை நடத்தினார்கள்.

    அதற்குப்பின் அசாரின் மனைவியும் திரைப்பட நடிகையுமான சங்கீதா பிஜ்லானியிடமும் விசாரணை நடத்தப்பட்டது. இதே போல் டெல்லியில் உள்ள கிரிக்கெட்வீரர் ஜடேஜாவின் வீட்டிலும் சோதனை நடந்தது என்றார் எஸ்.சி.பரிஜா.

    முன்னதாக இந்தியா, ஸ்ரீலங்கா, தென்ஆப்பிரிக்கா நாடுகளுக்கிடையே நடந்த மூன்று நாடுகள் கிரிக்கெட் போட்டியில் தென்ஆப்பிரிக்க அணி கேப்டன் ஹான்சிகுரோனே லஞ்சம் வாங்கி தோற்றதாக புகார் கூறினார் முன்னாள் கிரிக்கெட் வீரர் மனோஜ் பிரபாகர்.

    ஹான்சி குரோனே தான் தவறு செய்ததை ஒப்புக்கொண்டார். இதைத்தொடர்ந்து பல இந்திய கிரிக்கெட் வீரர்கள் மீதும் சராமரிக் குற்றச்சாட்டுக்களைசுமத்தி வந்தார் பிரபாகர்.

    குற்றம்சுமத்தப்பட்ட அனைவரும் தங்கள் மீது சுமத்தப்பட்ட குற்றச்சாட்டுக்களை மறுத்தனர்.

    இந்த நிலையில் கடந்த ஜூலை 20 ம் தேதி வருமானவரித் துறை அதிகாரிகள், அசார், ஜடேஜா உள்பட பல முன்னணி கிரிக்கெட் வீரர்கள் வீடுகளில்சோதனை நடத்தி வந்தனர்.

    இதன் தொடர்ச்சியாக செவ்வாய்க்கிழமை அசாரூதின் மற்றும் ஜடேஜா வீடுகளில் வருமானவரித்துறை அதிகாரிகள் சோதனை நடத்தினார்கள். சோதனைகுறித்த இதர விவரங்கள் எதுவும் வெளியிடப்படவில்லை.

    ஐ.ஏ.என்.எஸ்.

    பொருத்தமான வரன் தேடுகிறீர்களா? தமிழ்மேட்ரிமோனியில் பதிவு இலவசம்!

     
     
     

    நாள் முழுவதும் oneindia
    செய்திகளை உடனுக்குடன் பெற

    Notification Settings X
    Time Settings
    Done
    Clear Notification X
    Do you want to clear all the notifications from your inbox?
    Settings X
    We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Oneindia sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Oneindia website. However, you can change your cookie settings at any time. Learn more