சஹாரா கப் போட்டியில் இந்தியா கலந்துகொள்ளாது

கே: உச்ச நீதிமன்ற நீதிபதியை ராம் ஜெத்மலானி விமர்சித்து ஒருபுறம்இருக்கட்டும்; பல வழக்குகளில் சம்பந்தப்பட்டுள்ள ஜெயலலிதாவை தலைமைநீதிபதி முன்பு சந்தித்த நிகழ்வு பற்றி...?

ப: அதுவும் தவறுதான். அதற்காக ஜெத்மலானி செய்த விமர்சனம் நியாமாகி விடாது.

கே: சந்தன வீரப்பனுடன் பேச பல நடிகர், நடிகைகைள் தயாராக இருப்து பற்றி...?

ப: அவசரப்பட வேண்டியதில்லலை. சந்தன வீரப்பனைப் பிடிக்க இரு மாநில அரசுகள் இதுவரை எடுத்து வந்திருந்த அக்கறையைப் பார்க்கும்போது -எல்லாருக்கும் வீரப்பனே அந்த சான்ஸ் தருவான் என்றுதான் தோன்றுகிறது.

கே: மத்திய அரசுக்குத் தெளிவான கொள்கை இல்லை - என்று மன்மோகன் சிங் கூறியுள்ளாரே?

ப: பல விஷயங்களில் அரசின் அணுகுமுறையைப் பார்க்கும் போது, இது பொருந்தக் கூடிய விமர்சனமே.

கே: காவல் துறையினர் நினைத்தால் ஒரு மணி நேரத்தில் கள்ளச் சாராயத்தை ஒழிக்க முடியும் - என அமைச்சர் கோ.சி மணி கூறியுள்ளது பற்றி...?

ப: வாஸ்தவம்தான். ஆனால் அப்படிச் செய்ய முடியாமல் அவர்களை தடுப்பது யார் என்பதையும் அமைச்சர் கூறியிருக்கலாம்.

கே:சங் ப்ரிவார் அமைப்புகளின் அடிப்படைக் கொள்கை நாட்டுப் பற்றே - என மத்திய மந்திரி ரங்கராஜன் குமாரமங்கலம் கூறியுள்ளது பற்றி...?

ப:உண்மைதான். வெறும் அடிப்படைக் கொள்கையோடு நிறுத்திக் கொண்டிருக்க் கூடாதா? மற்ற கொள்கைகள் தேவைதானா?

கே; சிங்காரச் சென்னை உருவாக்கும் பணியில் தாம் பாஸ் மார்க் வாங்கிவிட்டதாக - மேயர் ஸ்டாலின் கூறியுள்ளாரே?

ப: அவருக்கு அவரே மார்க் போட்டுக் கொள்ளும் போது கூட, பாஸாகா விட்டால் எப்படி?

கே: சென்னை ஐ.ஐ.டி.க்கு முன்னாள் மாணவர் ஒருவர் 22 கோடி ரூபாய் நன்கொடை அளித்துள்ளாரே? இது பற்றி தங்கள் கருத்து?

ப: பாராட்டுக்குரிய செயல். தான் படித்த கல்வி நிலையத்தின் மீது அவர் வைத்திருககும் மரியாதை வியப்பை அளிக்கிறது.

கே: மறைந்த அமைச்சர் நாஞ்சில் மனோகரன் பற்றி...?

ப: அனைத்துக் கட்சிகளிலும் நண்பர்களைப் பெற்றவர். பழகுவதற்கு இனியவர்.

கே: கன்னட நடிகர் ராஜ்குமார் கடத்தப்பட்டதற்காக. அங்கு வசிக்கும் தமிழர்களை அடித்து, உதைத்து அராஜகம் செய்வது சரியா?

ப:இது கன்டனத்துக்குரியது. இம்மாதிரி வெறியுணர்ச்சி தூண்டப்படுவது நல்லதல்ல.

கே: நாட்டில் வறுமை குறைந்து விட்டது என்று அரசு கூறிக் கொள்ளவும் முடி.யாது; அதே போல வறுமை அதிகரித்து விட்டது என்று மற்றவர்கள்கூறவும் முடியாது; என்று மக்களவையில் நிதி அமைச்சர் யஷ்வந்த் சின்கா அளித்துள்ள விளக்கம் குறித்து?

ப:நிதி அமைச்சராக இருப்பவர்கள் தெளிவாகப் பேச வேண்டும் என்று எநதக் கட்டாயமும் கிடையாது.

கே:தமிழகத்தில் தற்போது 56 கட்சிகள்; 56 தலைவர்கள்; 56 கொடிகள்; 56 கோஷங்கள். ஆனால் இக்கட்சிகளில் வித்தியாசமான கட்சி பா.ம.க. என்று ராமதாஸ் கூறியுள்ளது பற்றி...?

ப:ஆமாம். எந்தப் பக்கம் இருக்கிறார்கள் என்று யாராலும் எளிதில் அனுமானித்துவிட முடியாதபடி செயல்படுவது அவர்களின் சிறப்பு.

கே: தமிழ்நாடு காங்கிரஸ் கட்சியில் கட்டுப்பாட்டை மீறுவோர் மீது விரைவில் நடவடிக்கை எடுக்கப்படும் என்று சோனியா காந்தி எச்சரிக்கைவிடுத்துள்ளது பற்றி...?

ப: ஏன் இந்த விபரீத எண்ணம்? தமிழ்நாட்டில் கட்சிகக்கு யாருமே வேண்டாம் என்று முடிவெடுத்து விட்டாரா?

கே: அ.தி.மு.க. தனித்தே ஆட்சி அமைக்கும் என்று காளிமுத்து கூறுகிறாரே... அப்படி என்றால் த.மா.க.ா. அதற்கு வெளியில் இருந்தே ஆதரவுகொடுக்குமா?

ப: பின் என்ன, உள்ளிருந்தே கழுத்தறுக்கவா வாய்ப்பு கிடைக்கும்.

கே: நினைத்ததையெல்லாம் சொல்பவர்; கேட்பதற்கு மட்டுமே பதில் சொல்பவர்; சொன்னதையே திரும்பத் திரும்பச் சொல்பவர் - அரசியலில்இவர்கள் யார்,யார் என்று சொல்ல முடியுமா?

ப: தொண்டர்; தலைவர்; பேச்சாளர்.

கே: சாகும் வரையில் ஒரு கம்யூனிஸ்ட் ஓய்வெடுக்க முடியாது என்கிறாரே ஜோதிபாசு?

ப: கடைசிவரை அடுத்தவனை நிம்மதியாக இருக்க விடுவதில்லை என்று முடிவு செய்து விட்டார்கள் போலிருக்கிறது.

கே: ஒரு மணி நேரம் உபதேசம் செய்வதை விட, ஒரு நிமிடம் உதவி செய்வது மேல் - என்ற மேலை நாட்டு பழமொழியைப் பற்றி என்னநினைக்கிறீர்கள்?

ப: பிச்சைக்காரர்கள் பெருகி விடுவார்கள்.

கே: இன்றைய அ.தி.மு..க.வினரின் நிலையைப் பார்த்தும் கூட, ஆளும் தி.மு.க. வினர் ஊழல் செய்வார்கள் என்று நம்புகிறீர்களா?

ப: ஆதாரம் வைத்துக் கொண்டு செய்ய மாட்டார்கள் என்று நினைக்கிறேன்.

கே: காங்கிரசின் அழிவிற்குக்க காரணம், தலைமைக்கு கூஜா தூக்குவதுதான் -என்று ரங்கராஜன் குமாரமங்கலம் தெரிவித்துள்ளாரே?

ப:இது உண்மை என்று வைத்துக் கொண்டால், ரங்கராஜனுக்கும் இந்த பெருமையில் பங்கு உண்டு.

கே: காரத்தே வீரர் ஹூசைனி தமிழக அரசு மீதும், காவல் துறை மீதும் குற்றம் சுமத்தியிருக்கிறாரே?

ப: ஹுசைனியின் பேச்சுக்கள் வரம்பு மீறியவையாக இருக்கின்றன என்றாலும், அவர் மீதான புகார்கள் விசாரிக்கப்படுவது போல, அவர் சுமத்தியுள்ளகுற்றச்சாட்டுகளும் பரீசீலன்ைகுரியவையே.

கே:அ.தி.மு.க. அணியில் பா.ம.க., ம.தி.மு.க. - ஆகிய இரு கட்சிகளும் மீண்டும் சேர்ந்தால், காங்கிரஸ் அதை எதிர்க்கும் - என்கிறாரேஈ,வி.கே.எஸ். இளங்கோவன்?

ப: ....ஆனால் ஜெயலலிதா அப்படி முடிவு செய்துவிட்டால், அந்த முடிவை காங்கிரஸ் ஏற்றுக் கொள்ளும் - என்பது அதில் புனைந்துள்ள கருத்து.

கே: சென்னை மாநகராட்சித் தேர்தலில் அ,தி.மு.க.விற்கு எதிராக எங்கள் வேட்பாளர்களை நிறுத்தியது ஃப்ரண்லி மேட்ச். வரும் சட்டப்பேரவைத்தேர்தலில் இத்தகைய மேட்ச் இருக்காது - என்று காங்கிரஸ் தலைவர் இளங்கோவன் கூறியிருப்பது குறித்து...?

ப: மேட்ச் ஃபிக்சிங் இல்லாமல் இருந்தால் சரி.

கே: தி.மு.க. வின் நான்காண்டு கால ஆட்சி சிறப்பாக உள்ளது என்றும்; தமிழகத்தில் மீண்டும் தி.மு.க. கூட்டணிதான் வெற்றி பெறும் என்றும் ராமதாஸ்கூறியிருப்பது பற்றி...?

ப: இந்த அறிக்கை வெளியான அடுத்த நாள் அவர் என்ன ால்லியிருப்பாரோ? அவருடைய பேச்சில் மட்டும் அவசரப்பட்டு முடிவுக்கு வர முடியாது.

கே:அதிக சீட் பெறுவது பா.ம.க.வின் கொள்கை அல்ல என்று ராமதாஸ் கூறியிருப்பது குறித்து...?

ப:இருந்த ஒரே கொள்கையையும் விட்டு விட்டாரா அடக் கடவுளே!

கே: காங்கிரஸ், பாரதிய ஜனதாவுக்கு எதிராக மாற்று அணி உருவாகும் - என்று சந்திரசேகர் கூறியுள்ளது பற்றி...ய

ப:பயப்பட வேண்டாம். கம்யூனிஸ்டுகள், முலாயம் சிங் ஆகியோர் முறை முடிந்து விட்டது. இப்போது சந்திரசேகர், அடுத்து கன்ஷிராம் மாதிரி யாராவதுஆரம்பிக்கலாம். இது சம்பிரதாயமாக நடப்பதுதான். கவலைப்பட ஏதுமில்லை.