டென்னிஸ்: இரட்டையர் பிரிவில் பயஸ்-பூபதி தோல்வி; பதக்க வாய்ப்பு பறிபோனது

சிட்னி:

டென்னிஸ் போட்டியில் ஆண்களுக்கான இரட்டையர் பிரிவில் இந்தியாவின்லியாண்டர் பயஸ்-மகேஷ் பூபதி ஜோடி தோல்வியுற்றது. இதன் மூலம் டென்னிஸில்இந்தியாவின் பதக்கக் கனவு தகர்ந்தது.

வெள்ளிக்கிழமை நடைபெற்ற தங்களது இரண்டாவது சுற்று ஆட்டத்தில் இந்தியஜோடி, ஆஸ்திரேலியாவின் மார்க் உட்போர்டே-டாட் உட்பிரிட்ஜ் ஜோடியை எதிர்த்துவிளையாடியது. இதில் 6-3, 7-6 (7-1) என்ற செட் கணக்கில் இந்திய ஜோடிதோல்வியுற்றது.

இதன் மூலம் டென்னிஸில் இந்தியாவுக்குப் பதக்கம் கிடைக்கு வாய்ப்பு பறிபோனது.ஏற்கெனவே பெண்களுக்கான இரட்டையர் பிரிவில் நிருபமாவைத்தியநாதன்-மனிஷா மல்ஹோத்ரா ஜோடி முதல் சுற்றில் படுதோல்வியுற்றது.

ஆண்கள் ஒற்றையர் பிரிவில் லியாண்டர் பயஸ் தனது முதல் சுற்று ஆட்டத்தில் ஸ்வீடன்வீரர் டில்ஸ்ட்ராமிடம் தோற்று வெளியேறினார் என்பது குறிப்பிடத்தக்கது.

1996-ம் ஆண்டு அட்லாண்டா ஒலிம்பிக்கில் இந்தியாவுக்கு ஒரே ஒரு வெண்கலப்பதக்கம் கிடைத்தது. அதை டென்னிஸ் ஒற்றையர் போட்டியில் பெற்றுத் தந்தவர்லியாண்டர் பயஸ். ஆனால், இந்த முறை டென்னிஸ் போட்டியில் ஒரு பதக்கம் கூடஇந்தியாவுக்குக் கிடைக்கவில்லை.

யு.என்.ஐ.