இறுதிப் போட்டிக்குள் நுழைந்தது நியூசிலாந்து

நைரோபி:

நைரோபியில் புதன்கிழமை நடந்த ஐ.சி.சி. நாக் அவுட் தொடரின் முதல் அரையிறுதிப் போட்டியில் நியூசிலாந்து அணி அபாரமாக ஆடி இறுதிப் போட்டிக்குத் தகுதிபெற்றது.

பாகிஸ்தான் அணிக்கும், நியூசிலாந்து அணிக்கும் இடையே நடந்த இந்தப் போட்டி ஆரம்பம் முதலே பரபரப்பாக இருந்தது. டாஸ் வென்ற பாகிஸ்தான் முதலில்பேட்டிங் செய்ய முடிவு செய்தது.

அன்வரும், இம்ரான் நசீரும் பேட்டிங்கைத் துவக்கினர். நசீர் சீக்கிரம் போய் விட அன்வர் அபாரமாக ஆடினார். 104 ரன்கள் எடுத்த அவர் அணிக்குநல்ல ஊக்கத்தைக் கொடுத்தார்.

அவருக்குப் பிறகு வந்தவர்களில் யுஹானா (24), ரஸ்ஸாக் (48), வாசிம் அக்ரம் (34) ஆகியோர் மட்டுமே சொல்லிக் கொள்ளும்படி விளையாடினர்.

இறுதியில் 49.2 ஓவர்களில் அனைத்து விக்கெட்டுகளையும் இழந்து 252 ரன்களை பாகிஸ்தான் எடுத்தது. நியூசிலாந்து தரப்பில் கானர் 5 விக்கெட்டுகளைவீழ்த்தினார். ஸ்டைரிஸ் 2 விக்கெட்டுகளை எடுத்தார்.

நியூசிலாந்து அணி தனது இன்னிங்ஸை சரிவுடன் துவக்கியது. ஸ்பியர்மன் 1 ரன்னில் மஹமத் பந்தில் வீழ்ந்தார். பிளமிங் 12 ரன்களில் பெவிலியன் திரும்பினார்.அதற்குப் பிறகுதான் விநோதம் நிகழ்ந்தது.

ஆஸ்டில், டுவோஸ் சேர்ந்து பாகிஸ்தான் பந்துவீச்சாளர்களை சிதறடிக்கத் துவங்கினர். இவர்களைப் பிரிக்க பாகிஸ்தான் பந்து வீச்சாளர்களால் முடியவில்லை.ஓவருக்குக் கிட்டத்தட்ட 5 ரன்கள் எடுத்த இருவரும் அணியின் ஸ்கோரை வெகுவாக உயர்த்தி வந்தனர்.

டுவோஸ் தன்னிடம் வந்த பந்துகளை எல்லாம் விரட்டியடித்தார். இறுதியில், 87 ரன்கள் எடுத்த நிலையில், சக்லைன் முஷ்டாக் பந்தில் வீழ்ந்தார். டுவோஸ்வெளியேறினாலும் கூட நியூசிலாந்து வீரர்கள் பயம் இல்லாமல் துணிச்சலுடன் ஆடினர்.

மெக்மில்லனும், ஸ்டைரிஸும் இணைந்து ஸ்கோரை உயர்த்தினர். மெக்மில்லன் 51 ரன்கள் எடுத்தார். ஸ்டைரிஸ் 28 ரன்கள் சேர்த்தார். இருவரும் கடைசி வரையில்ஆட்டமிழக்காமல் இருந்தனர்.

இறுதியில், 49 ஓவர்களின் முடிவில் நியூசிலாந்து அணி வெற்றி இலக்கை எட்டியது. இதன் மூலம் ஐ.சி.சி. நாக் அவுட் போட்டியின் இறுதி ஆட்டத்திற்குத் தகுதிபெற்றது.

ஆட்ட நாயகனாக கானர்ஸ் தேர்வு செய்யப்பட்டார். இந்தியா, தென்ஆப்பிரிக்க அணிகளுக்கு இடையே நடைபெறவுள்ள 2-வது அரை இறுதிப் போட்டியில்வெற்றி பெறும் அணியுடன், நியூசிலாந்து இறுதிப் போட்டியில் மோதும்.

ஸ்கோர்:

பாகிஸ்தான் - 252.

நியூசிலாந்து - 255-6.

ஆட்ட நாயகன் - கானர்ஸ் (நியூசிலாந்து).