நாகர்கோவில்: வேன் பள்ளத்தில் விழுந்ததில் 5 பேர் பலி

நாகர்கோவில்:

தமிழகத்தில் நாகர்கோவில் மாவட்டம் பாலாமோர் அருகேயுள்ள 120 அடி ஆழமுள்ள பள்ளத்தில் வேன் சரிந்துவிழுந்ததில் அதில் பயணம் செய்த 5 பேர் சம்பவ இடத்திலேயே பலியானார்கள். 17 பேர் காயமடைந்தனர்.

இச்சம்பவம் ஞாயிற்றுக்கிழமை காலை நடந்தது. இறந்தவர்களில் 4 பேர் பெண்கள். ஒரு குழந்தை எனத் தெரியவந்துள்ளது.

தூத்துக்குடி மாவட்டம் பிலாத்திகுளத்தைச் சேர்ந்த சிலர் பாலமோர் எஸ்டேட்டில் வேலை செய்யும் தங்களதுஉறவினர்களைப் பார்க்க வந்த போது இந்த விபத்து நடந்தது.

விபத்தில் உயிரிழந்தவர்களில் 3 பெண்கள் 65 வயதுக்கு மேற்பட்டவர்கள். ஒருவர் பெயர் பாப்பா. வயது 35.விபத்தில் இறந்த குழந்தை பெயர் கணேசன். வயது ஒன்றரை. விபத்தில் காயமடைந்தவர்கள் அனைவரும்மருத்துவமனையில் சிகிச்சைக்காக சேர்க்கப்பட்டுள்ளனர்.

வேனை ஓட்டி வந்த டிரைவர், காயமின்றி உயிர்தப்பி விட்டதாகப் போலீஸார் தெரிவித்தனர்.

யு.என்.ஐ.