• search

புஷ்ஷா, கோரா: நாளை முடிவு தெரியும்

FOLLOW ONEINDIA TAMIL ON
For Quick Alerts
Subscribe Now
For Quick Alerts
ALLOW NOTIFICATIONS
For Daily Alerts

    வாஷிங்டன்:

    அமெரிக்க அதிபர் தேர்தலில், புளோரிடா மாநிலத்தில் பதிவான வாக்குகளில் அதிகம் பெற்று, வெற்றி பெற்றவர்யார் என்ற முடிவை திங்கள்கிழமை புளோரிடா தேர்தல் அலுவலகம் அறிவிக்கவுள்ளது.

    இதில் வெற்றி பெறுபவரே, அடுத்த அதிபர் என்ற நிலை இருப்பதால், இந்த முடிவு மிகவும் ஆவலுடன்எதிர்பார்க்கப்படுகிறது.

    புளோரிடா நேரப்படி ஞாயிற்றுக்கிழமை மாலை 5.30 மணிக்கு (இந்திய நேரப்படி திங்கள்கிழமை அதிகாலை 3.30மணி) இந்த முடிவு அறிவிக்கப்படும். புளோரிடா சுப்ரீம் கோர்ட் உத்தரவின்படி இந்த முடிவு அறிவிக்கப்படுகிறது.இருப்பினும் இதன் மூலம் மட்டும் அதிபர் தேர்தல் குழப்பம் முடிவுக்கு வந்து விடாது என்று தெரிகிறது.

    புளோரிடா வாக்கு எண்ணிக்கையின் முடிவில் குடியரசுக் கட்சி வேட்பாளர் ஜார்ஜ்புஷ், ஜனநாயகக் கட்சிவேட்பாளர் அல் கோரை விட கூடுதல் வாக்குகள் பெற்றிருக்கலாம் என்று நியூயார்க் டைம்ஸ் பத்திரிகையில் செய்திவெளியாகியிருந்தது.

    இருப்பினும், வாக்கு வித்தியாசம் கூடுதலாக இருக்காது என்றும் அது தெரிவித்துள்ளது. புஷ்ஷுக்கு ஓரளவு பலம்கொடுக்க இந்த முடிவு பயன்படலாம். மேலும், கோர் தனது தோல்வியை ஒப்புக்கொள்ளவும், இந்த முடிவுபுஷ்ஷுக்கு பயன்படலாம் என்றும் அந்த செய்தியில் தெரிவிக்கப்பட்டிருந்தது.

    இதற்கிடையே, கை வாக்கு எண்ணிக்கை முடிவை எதிர்த்து ஜார்ஜ் புஷ் தொடுத்துள்ள வழக்கில், அமெரிக்க சுப்ரீம்கோர்ட் எப்போது தீர்ப்பு வழங்கும் என்று தெரியவில்லை. டிசம்பர்1-ம் தேதி இந்த வழக்கின் விசாரணைதுவங்குகிறது. புளோரிடா மாநிலத்தின் 3 கவுண்டிகளில் கை வாக்கு எண்ணிக்கை நடத்தப்பட்டதை எதிர்த்து புஷ்வழக்குத் தொடர்ந்துள்ளார்.

    இதற்கிடையே, புளோரிடாவின் புரோவர்ட் மற்றும் பாம்பீச் கவுண்டிகளில் தொடர்ந்து கைகளள் வாக்குகளைஎண்ணும் பணி நடந்து வருகிறது. இந்த எண்ணிக்கையில், புரோவர்ட் கவுண்டியில் கோருக்குக் கூடுதலாக 532வாக்குகள் கிடைத்துள்ளதாக தெரிகிறது. பாம் பீச் பகுதியில் புஷ்ஷுக்கு சில ஓட்டுக்கள் கிடைத்துள்ளன.ஒட்டுமொத்தமாக, அனைத்துக் கவுண்டிகளிலும் திருத்தப்பட்ட வாக்கு எண்ணிக்கையின்படி புஷ்ஷுக்கு கூடுதலாக100 ஓட்டுக்கள் கிடைத்துள்ளதாகத் தெரிகிறது.

    திங்கள்கிழமை காலை யார் அதிபர் தேர்தலில் வெற்றி பெற்றது என்பது தெரிந்து விடும். அதன் பிறகு அமெரிக்கசுப்ரீம் கோர்ட்டின் தீர்ப்பையடுத்து அது உறுதி செய்யப்படலாம் அல்லது வேறு ஏதாவது குழப்பம் தலை தூக்கலாம்.

    ஐ.ஏ.என்.எஸ்.

    வரன் பார்க்கணும்னா தமிழ் மேட்ரிமோனிதான்! - பதிவு இலவசம்!

    நாள் முழுவதும் oneindia
    செய்திகளை உடனுக்குடன் பெற

    We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Oneindia sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Oneindia website. However, you can change your cookie settings at any time. Learn more