புலிகளுடன் பேசுவது வீண் .. இலங்கை அமைச்சர்

கொழும்பு:

விடுதலைப் புலிகளுடன் பேசுவது வீணானது என்று நீதித்துறை அமைச்சர் பட்டி வீரக்கூன் கூறியுள்ளார்.

அவர் கூறுகையில், அரசியல் சட்டப்படியே நாம் நடக்க வேண்டும். அப்படிச் செய்தால், விடுதலைப் புலிகள்தனிமைப்படுத்தப்படுவார்கள். இலங்கை அரசு அப்படிச் செய்து விடுமோ என்றுதான் இப்போது புலிகள்பயப்படுகிறார்கள் என்றார்.

இதற்கிடையே, விடுதலைப் புலிகளுடன் நிபந்தனையற்ற பேச்சுவார்த்தை நடத்த அரசு தயாராக உள்ளது எனஇலங்கை தொழில் வளர்ச்சி மற்றும் அரசியல் விவகாரத் துறை அமைச்சர் ஜி.எல்.பெரீஸ் கூறியுள்ளார்.

இதுகுறித்து தலைநகர் கொழும்பில் செய்தியாளர்களிடம் அவர் பேசுகையில், நிபந்தனை ஏதும் விதிக்காமல்விடுதலைப் புலிகளுடன் பேச்சு நடத்த இலங்கை அரசு காத்துக் கொண்டுள்ளது. இதுதொடர்பாக நார்வேதூதுக்குழுவிடமும் தெரிவித்துள்ளோம்.

பேச்சுவார்த்தை உடனடியாகத் துவங்க வேண்டும் என்பதே எங்கள் விருப்பம். பேச்சுவார்த்தை துவங்கி விட்டால்,படிப்படியாக சண்டை நிறுத்தம் குறித்தும் நடவடிக்கை எடுக்க முடியும். நீண்டகாலமாக நீடித்து வரும் சண்டையைஎப்படி நிறுத்துவது என்பது குறித்து அப்போது விவாதிக்க முடியும் என்றார்.

இதற்கிடையே, விடுதலைப் புலிகளின் சண்டை நிறுத்தம் குறித்து இலங்கைத் தமிழர் கட்சிகளிடையே பல்வேறுகருத்துக்கள் நிலவுகின்றன. பெரும்பாலான கட்சிகள், புலிகளின் சண்டை நிறுத்தத்தை இலங்கை அரசு ஏற்றுக்கொள்ள வேண்டும் என்று கூறியுள்ளன.

வட கிழக்கு மாகாண முன்னாள் முதல்வரும், ஈ.பி.எல்.எப். தலைவருமான வரதராஜ பெருமாள் கூறுகையில்,புலிகளின் சண்டை நிறுத்தம் குறித்து தமிழர் கட்சிகள் அக்கறை காட்டத் தேவையில்லை.

முதலில் பேச்சுவார்த்தைக்கு விடுதலைப் புலிகள் ஒப்புக் கொள்ள வேண்டும். சண்டை நிறுத்தம் அறிவிப்பதால் ஒருபயனுமில்லை. தமிழர் பிரச்சினைக்கு உண்மையிலேயே தீர்வு காண வேண்டும் என்ற ஆவல் புலிகளுக்குஇருக்குமானால், மக்களுக்கு எதிரான நடவடிக்கைகளை நிறுத்த வேண்டும்.

யாழ்ப்பாணம்-வவுனியா முக்கியச் சாலையையும் மக்கள் பயன்படுத்துவதற்கு வசதியாக விடுதலைப் புலிகள்திறந்து விட வேண்டும்.

அதேசமயம், டெலோ தலைவர் ஸ்ரீகாந்தா கூறுகையில், புலிகளின் சண்டை நிறுத்தம் குறித்து அரசு சாதகமானமுடிவை எடுக்க வேண்டும். சண்டை நிறுத்தம் சரியானபடி அமல்படுத்தப்பட வேண்டுமானால்,யாழ்ப்பாணத்திலுள்ள ராணுவம் வாபஸ் பெறப்பட வேண்டும் என்றார்.

யு.என்.ஐ.