சென்னை-நாகர்கோவிலுக்கு பொங்கல் ஸ்பெஷல் ரயில்

சென்னை:

பொங்கல் பண்டிகைையை முன்னிட்டு சென்னையிலிருந்து நாகர்கோவிலுக்கு சிறப்பு ரயில் இயக்கப்படும் என தெற்கு ரயில்வே அறிவித்துள்ளது.

இது குறித்து தெற்கு ரயில்வே வெளியிட்டுள்ள அறிக்கையில் தெரிவிக்கப்பட்டிருப்பதாவது:

சென்னை எழம்பூரிலிருந்து இந்த மாதம் 12-ம் தேதி முதல் நாகர்கோவிலுக்கு சிறப்பு ரயில் இயக்கப்படுகிறது. இந்த ரயில் எழும்பூரிலிருந்து 12-ம்தேதி இரவு 10.45 மணிக்கு புறப்பட்டு 13-ம் தேதி பகல் 2 மணிக்கு நாகர்கோயில் சென்றடையும். நாகர்கோயிலிருந்து இம்மாதம் 16-ம் தேதிமாலை 5.30 மணிக்கு புறப்பட்டு 17-ம் தேதி காலை 9.30 மணிக்கு சென்னை வந்துசேரும்.

இந்த ரயில் தாம்பரம், விழுப்புரம், விருத்தாச்சலம், ஸ்ரீரங்கம், திருச்சி, கோயில்பட்டி, மணியாச்சி, திருநெல்வேலி வழியாக இரண்டு மார்க்கங்களிலும்செல்லும். இந்த ரயிலுக்கான முன்பதிவு செவ்வாய்கிழமை (02.01.2001) முதல் துவங்குகிறது என தெரிவிக்கப்பட்டிருக்கிறது.