இந்து மக்கள் கட்சித் தலைவருக்கு அரிவாள் வெட்டு

கோவை:

இந்து மக்கள் கட்சியின் மாநில அமைப்புச் செயலருக்கு அரிவாள் வெட்டு விழுந்தது.

இவர் தொண்டாமுத்தூர் தொகுதியில் இந்தக் கட்சியின் சார்பாக போட்டியிட முடிவு செய்திருந்தார்.

இந்து மக்கள் கட்சியின் (ஸ்ரீதரன் பிரிவு) மாநில அமைப்புச் செயலர் நாராயணன். இவர் கோவை சாயிபாபா காலனியில் காய்கறிமார்க்கெட்டில் வியாபாரம் செய்து வருகிறார்.

இவர் கவுண்டம்பாளையத்திலிருந்து மார்க்கெட்டிற்கு வந்து கொண்டிருபோது. சிலர் அவரை வழிமறித்து அரிவாளால்வெட்டினர். இதில் பலத்த காயமடைந்த நாராயணன், கோவை அரசு மருத்துவமனையில் சேர்க்கப்பட்டு சிகிச்சை பெற்றுவருகிறார். இவரது உயிருக்கு எவ்வித ஆபத்தும் இல்லை என டாக்டர்கள் தெரிவித்தனர்.

இவர் அதிமுக ஆதரவாளர்.