மார்க்சிஸ்ட் கம்யூ. வேட்பாளர்கள் அறிவிப்பு

சென்னை:

அதிமுக கூட்டணியில் உள்ள மார்க்சிஸ்ட் கம்யூனிஸ்ட் கட்சி போட்டியிடும் 8 தொகுதிகளுக்கும் வேட்பாளர்கள்அறிவிக்கப்பட்டுள்ளனர்.

அதன் விவரம்:

1. திண்டுக்கல்- கே. பாலபாரதி

பெண் வேட்பாளரான இவர் கட்சியின் மாநிலக் குழு உறுப்பினர். ஜனநாயக மாதர் சங்கத்தின் மாநில துணைச் செயலாளர். கவிஞர்,எழுத்தாளர், சிறந்த பேச்சாளர். பெண்களுக்காக பல போராட்டங்கள் நடத்திவர்.

2. மதுரை கிழக்கு- என். நன்மாறன்

கட்சின் மாநிலக் குழ உறுப்பினர். எழுத்தாளர். தமிழ்நாடு முற்போக்குச் சங்கத்தின் எழுத்தாளர் பிரிவின் துணைத் தலைவர்.

3. பெரம்பூர் (ரிசர்வ்ட்) தொகுதி- எஸ்.கே மகேந்திரன்

இவர் இந்திய ஜனநாயக வாலிபர் சங்கத்தின் (டி.ஒய்.எல்.எப்.) மாநிலப் பொதுச் செயலாளராக உள்ளார். முதல் முதலாக தேர்தலில்போட்டியிடுகிறார்.

4. திருவாரூர் (ரிசர்வ்ட்) - கே. ரங்கசாமி

வாலிபரான இவர் திருவாரூர் மாவட்ட டி.ஒய்.எல்.எப். பிரமுகர்களில் ஒருவர்.

5. சிங்காநல்லூர்- கே.சி. கருணாகரன்.

கட்சியின் மாநிலக் கமிட்டி உறுப்பினர். கோவை மேற்கு மாவட்ட கட்சியின் செயலாளர்

6. திருவெறும்பூர்- டி,கே. ரங்கராஜன்

கட்சியின் மத்தியக் குழு உறுப்பினர். சி.ஐ.டி.யூ. மாநிலப் பொதுச் செயலாளர். மார்க்சிஸ்ட் கட்சியின அகில இந்தியத் துணைத்தலைவர். மிக எளிய மனிதரான அவர் பல நிறுவனங்களில் தொழிற்சங்கங்களுக்குத் தலைவராக இருந்தவர். முதல்முறையாகதேர்தலில் நிற்கிறார்.

7. விளவங்கோடு- டி, மணி (இப்போதைய எம்.எல்.ஏ.)

3 முறை இந்தத் தொகுதியில் வென்றவர். சுதந்திரப் போராட்ட வீரர். கன்னியாகுமரி மாவட்ட செயற்குழு உறுப்பினர்.

8. திருவட்டாறு- ஜே. ஹேமச்சந்திரன் (இப்போதைய எம்.எல்.ஏ.)

கட்சியின் மாநிலக் குழு உறுப்பினர். சி.ஐ.டி.யூ. மாநிலத் தலைவர். வழக்கறிஞர். அரசுப் போக்குவகத்துக் கழக தொழிலாளர்சம்மேளனத்தின் மாநிலத் தலைவர்.