தமிழக அரசியலில் வாரிசுகள்

சென்னை:

வரும் தமிழக சட்டசபை தேர்தலில் பல அரசியல் கட்சித் தலைவர்கள் மற்றும் பிரமுகர்களின் வாரிசுகள் போட்டியிடுகின்றனர்.

திமுக தலைவரும் முதல்வருமான கருணாநிதியின் மகன் ஸ்டாலின் சென்னை ஆயிரம் விளக்கு தொகுதியில் திமுக சார்பில் போட்டியிடுகிறார்.

ஸ்ரீவில்லிபுத்தூர் தொகுதியில் எம்எல்ஏ தாமரைக்கனியின் மகன் இன்பத்தமிழன் அதிமுக சார்பாகத் தந்தையை எதிர்த்தே களத்தில்இறங்கியுள்ளார்.

மதிமுக அவைத் தலைவர் எல். கணேசனின் மகன் ஜி. ராஜா தஞ்சாவூரில் போட்டியிடுவதற்காக மதிமுக சார்பில் சீட் வாங்கியுள்ளார்.

சேரன் மகாதேவி தொகுதியில் போட்டியிடுவதற்காக அதிமுக எம்பி பி.எச். பாண்டியனின் மகன் மனோஜ் பாண்டியனுக்கு சீட்கொடுத்துள்ளது அதிமுக.

மறைந்த திமுக முன்னாள் அமைச்சர் சி.வி.எம். அண்ணாமலையின் மகன் சேகர் காஞ்சிபுரம் தொகுதியில் திமுக சார்பில் நிற்கிறார்.

மறைந்த இன்னொரு திமுக முன்னாள் அமைச்சர் தங்கபாண்டியனின் மகன் தங்கம் தென்னரசு அருப்புக்கோட்டை தொகுதியில் திமுக சார்பில்போட்டியிடுகிறார்.

திமுக சார்பில் திருச்சி-2 தொகுதியில் போட்டியிடும் அன்பில் பெரியசாமி, மறைந்த மற்றொரு திமுக முன்னாள் அமைச்சர் அன்பில்தர்மலிங்கத்தின் மகன் ஆவார்.