கோவையில் 8 தொகுதிகளில் அதிமுக கூட்டணி வெற்றி

கோவை:

கோவை மாவட்டத்தில் உள்ள அனைத்துத் தொகுதியிலும் அதிமுக கூட்டணியே வென்றது. அமைச்சர் பழனிச்சாமி20 ஆயிரம் ஓட்டு வித்தியாசத்தில் தோல்வியடைந்தனர்.

கோவை மாவட்டத்தை அதிமுக அணியே வென்றது. பேரூர், பொள்ளாச்சி, அவிநாசி, திருப்பூர், பல்லடம்,பொங்கலூர், மேட்டுப்பாளையம், உடுமலைப்பேட்டை ஆகிய 8 தொகுதிகளில் அதிமுக போட்டியிட்டுஅனைத்தையும் திமுகவிடமிருந்து கைப்பற்றியது.

கூட்டணிக் கட்சிகளான காங்கிரஸ், தமிழ் மாநில காங்கிரஸ், கம்யூனிஸ்ட் ஆகிய கட்சிகளும் இடங்களைக்கைப்பற்றின. தமிழ் மாநில காங்கிரஸ் சார்பாக போட்டியிட்ட எஸ்.ஆர் பாலசுப்ரமணியம் கடும் எதிர்ப்புக்குஇடையே வெற்றி வாகை சூடியுள்ளார். எம்.எல்.ஏ.,வாக இருந்து வரும் வி.கே லட்சுமணன் தொடர்ந்து "ஹாட்ரிக்வெற்றியைப் பெற்றுள்ளார். தொடர்ந்து 3வ துமுறையாக அவர் தேர்வு செய்யப்பட்டுள்ளார்.

மார்க்சிஸ்ட் கம்யூனிஸ்ட் கட்சியைச் சேர்ந்த கே.சி கருணாகரன், அமைச்சர் பழனிச்சாமியை எதிர்த்து 20 ஆயிரம்ஓட்டுகள் வித்தியாசத்தில் வெற்றி பெற்றுள்ளார். வால்பாறையில் புதிய தமிழகம் கட்சியின் தலைவர் கிருஷ்ணசாமி,தமிழ் மாநில காங்கிரஸ் கட்சியைச் சேர்ந்த கோவை தங்கத்திடம் தோற்றுப் போனார்.

கோவை மக்களவைத் தொகுதி பாரதிய ஜனதாக் கட்சியின் எம்.பியாக ராதாகிருஷ்ணன் தேர்வுசெய்யப்பட்டபோதிலும், கோவை கிழக்கு, திருப்பூர் ஆகிய இடங்களில் போட்டியிட்ட பாரதிய ஜனதாக் கட்சிவேட்பாளர்கள் தோல்வியைத் தழுவினர்.

ரங்கராஜன் குமாரமங்கலத்தின் சகோதரியான லலிதா குமாரமங்கலம் பா. ஜ,சார்பில் போட்டியிட்டுதோல்வியுள்ளார். கோவை கிழக்குத் தொகுதியில் பா. ஜ வேட்பாளர் நஞ்சப்பன் தோல்வியடைந்தார்.