கோவை, ஈரோடு, நீலகிரியில் அதிமுக கூட்டணி வெற்றி

கோவை:

கோவை, நீலகிரி, ஈரோடு மாவட்டங்களில் அதிமுக அணி, ஒரு தொகுதியைத் தவிர மற்ற தொகுதிகள் அனைத்தையும் கைப்பற்றியது.

ஈரோடு மாவட்டம், வெள்ளகோயில் தொகுதியில் முன்னாள் அதிமுக அமைச்சர் துரைராமசாமிக்கு சீட் கிடைக்காததால் அவர் தனித்து நின்றுபோட்டியிட்டார்.

இந்தப் பகுதியில் செல்வாக்கு மிக்கவராக இருந்த துரைராமசாமி, சுயேச்சையாக நின்று போட்டியிட்டதால், அதிமுகவின் ஓட்டு இரண்டாகப் பிரிந்தது.இதனால் திமுக அணியின் வேட்பாளர் சுவாமி நாதன் வெற்றி பெற்றார்.

கோவையில் அதிமுக அணி 15 தொகுதிகளையும் கைப்பற்றியது. இதே போன்று நீலகிரி மாவட்டத்தில் அதிமுக 3 தொகுதிகளையும் கைப்பற்றியது.ஈரோடு மாவட்டத்தில், வெள்ளகோயில் தொகுதியைத் தவிர மற்ற அனைத்து தொகுதிகளிலும் அதிமுக கூட்டணியே வெற்றி வெற்றுள்ளது.