திருச்சி எம்.பி. தொகுதி: பா.ஜ.கவை வென்றது அதிமுக

திருச்சி:

திருச்சி நாடாளுமன்றத் தொகுதிக்கு நடந்த இடைத் தேர்தலில் அதிமுக வேட்பாளர் தலித் எழில்மலை வெற்றிபெற்றுள்ளார்.

இந்தத் தொகுதியில் திமுக கூட்டணி சார்பில் போட்டியிட்ட பா.ஜ.க. வேட்பாளர் சுகுமாறன் நம்பியார் மண்ணைக்கவ்வினார். இவர் மாஜி வில்லன் நடிகர் நம்பியாரின் மகனாவார்.

இந்தத் தொகுதில் பா.ஜ.க. சார்பில் போட்டியிட்டு வென்று மத்திய அமைச்சரான ரங்கராஜன் குமாரமங்கலம்இறந்துபோனதையடுத்து இடைத் தேர்தல் நடந்தது.

இன்று வாக்கு எண்ணிக்கையில் முதலில் முன்னணியில் இருந்த சுகுமாறன் நம்பியார், தொடர்ந்து நடந்த வாக்குஎண்ணிக்கையில் பின் தங்கினார். இறுதியில் தோல்வியைத் தழுவினார்.

திருச்சி வாக்குகள் விவரம்:

தலித் எழில்மலை- அதிமுக- 3,43,867

சுகுமாறன் நம்பியார்- பா.ஜ.க.- 3,25,864

தலித் எழில்மலை 18,006 வாக்குகள் வித்தியாசத்தில் வெற்றி