ப்ளஸ் 2 விடைத்தாள் நகல் பெற ஏற்பாடு

சென்னை:

ப்ளஸ் 2 தேர்வு எழுதிய மாணவர்கள் கணிதம், இயற்பியல், வேதியியல் மற்றும் உயிரியல் பாட விடைத்தாள்களின்நகல்களை வாங்கி சரி பார்க்க வழிவகை செய்யப்பட்டுள்ளது.

ப்ளஸ் 2 தேர்வு முடிவுகள் திங்கள்கிழமை வெளியாகிறது. இந்த முறை தேர்வு எழுதிய மாணவர்கள் கணிதம்,இயற்பியல், வேதியியல் மற்றும் உயிரியல் பாடங்களின் விடைத்தாள்களை வாங்கி சரி பார்க்க வசதிசெய்யப்பட்டுள்ளது. இது குறித்து அரசு தேர்வுகள் இயக்குனர் பரமசிவம் வெளியிட்டுள்ள அறிக்கையில்தெரிவித்திருப்பதாவது:

ப்ளஸ் 2 தேர்வு முடிவுகளுடன் பாட வாரியான மதிப்பெண்கள் பட்டியலும் பள்ளித் தலைமை ஆசிரியர்களுக்குதிங்கள்கிழமை காலை 8 மணி முதல் வழங்கப்படும். தலைமை ஆசிரியர்கள் தேர்வு முடிவு மற்றும் மதிப்பெண்பட்டியலை மாவட்ட முதன்மை கல்வி அலுவர்களிடமிருந்து பெற்றுக் கொள்ளலாம்.

இதன் ஜெராக்ஸ் பிரதியை பள்ளியில் இருக்கும் அறிவிப்பு பலகையில் ஒட்ட வேண்டும் என பள்ளி தலைமைஆசிரியர்கள் அறிவுறுத்தப்பட்டுள்ளனர்.

மாணவர்கள் தாங்கள் படித்த பள்ளியிலிருந்து தேர்வு முடிவுகளையும், பாடவாரியான மதிப்பெண்களையும்திங்கள்கிழமை காலை 10 மணிக்குள் தெரிந்து கொள்ள முடியும்.

இந்த ஆண்டு மார்ச் மாதம் நடைபெற்ற மேல்நிலைத் தேர்வில் கணிதம், இயற்பியல், வேதியியல் மற்றும் உயிரியல்ஆகிய 4 பாடங்களுக்கான விடைத்தாள் நகல்கள் வழங்கப்படவுள்ளன. இதற்கான விண்ணப்பப்படிவம்திங்கள்கிழமை முதல் அடுத்த மாதம் 1ம் தேதி வரை விநியோகிக்கப்படும்.

ஒவ்வொரு பாடத்திற்கும் தனித்தனியாக விண்ணப்பிக்க வேண்டும். கல்வித்துறையால் விற்கப்படும் விண்ணப்பம்மட்டுமே பயன்படுத்தப்பட வேண்டும்.

ஒவ்வொரு பாடத்திற்கும் ரூ 52 கட்டணமாக செலுத்தப்பட வேண்டும். விண்ணப்பம் ஒன்றின் விலை ரூ 20 ஆகும்.

இந்த விண்ணப்பங்களை கீழ்கண்ட அலுவலகங்களிலிருந்து பெறலாம்.

மாவட்ட தலைநகர்களில் உள்ள முதன்மை கல்வி அலுவலர் அலுவலகங்கள்.

மாவட்ட கல்வி அலுவலர் அலுவலகங்கள்.

திருச்சி, வேலூர், கோவை, திருநெல்வேலி, மதுரை,கடலூர் ஆகிய 6 இடங்களில் இருக்கும் அரசுத் தேர்வுகள்மண்டல துணை இயக்குனர் அலுவலகங்கள் ஆகிய இடங்களிலிருந்து பெற்றுக் கொள்ளலாம்.

பூர்த்தி செய்யப்பட்ட விண்ணப்பப்படிவத்துடன் இணைக்கப்பட வேண்டியவை:

ரூ 52 க்கான கட்டண ரசீது.

மற்றும் விண்ணப்பத்துடன் வழங்கப்பட்ட பெரிய காகித உறையில் சுயமுகவரியை எழுதி ரூ 50க்கான தபால்தலைஒட்டபட்டு ஒப்படைக்கப்பட வேண்டும்.

பூர்த்தி செய்த விண்ணப்ப படிவத்தை, விண்ணப்பம் வாங்கிய மையத்திலோ அல்லது விற்பனை மையத்திலோஒப்படைக்கலாம்.

அடுத்த மாதம் 2ம் தேதி கருவூலம் விடுமுறை என்பதால் அடுத்தமாதம் 1ம் தேதிக்குள் கட்டணத் தொகைசெலுத்தப்பட வேண்டும்.

பூர்த்தி செய்த விண்ணப்பப்படிவங்கள் அடுத்த மாதம் 2ம் தேதி மாலை 5 மணிக்குள் நேரில் ஒப்படைக்கப்படவேண்டும். பூர்த்தி செய்த விண்ணப்பத்தை வேறு எந்த வகையிலும் அனுப்பக்கூடாது என தெரிவிக்கப்பட்டுள்ளது.