• search
For Quick Alerts
ALLOW NOTIFICATIONS  
For Daily Alerts

அடுத்த ஆளுநர் யார்?

By Staff
|
சென்னை:

தமிழகத்தின் புதிய ஆளுநர் விரைவில் நியமிக்கப்படுவார் என்று தெரிகிறது.

தி.மு.க தலைவரும், முன்னாள் முதல்வருமான கருணாநிதி சமீபத்தில் நள்ளிரவில் அதிரடியாகக் கைது செய்யப்பட்டார்.அவருடன் சேர்த்து மத்திய அமைச்சர்கள் முரசொலி மாறன், டி.ஆர்.பாலு ஆகியோரும் அதிரடியாகக் கைது செய்யப்பட்டனர்.

இந்தியாவையே பரபரப்பில் ஆழ்த்திய இந்த சம்பவத்தின் எதிரொலியாக ஆளுநர் பாத்திமா பீவி டிஸ்மிஸ் செய்யப்பட்டார்.

மத்திய அமைச்சர்கள் கைது செய்யப்பட்டதால் அதிர்ச்சியடைந்த மத்திய அரசு மாநில ஆளுநரிடமிருந்து அறிக்கை கோரியது.அவரும் அனுப்பி வைத்தார். ஆனால் அதில் திருப்தியடையாத மத்திய அமைச்சரவை ஆளுநரின் கடமைையிலிருந்து பாத்திமாபீவி தவறியதாகக் கூறி அவரை டிஸ்மிஸ் செய்தது.

தமிழகத்தின் தற்போதைய ஆளுநராக தற்காலிகப் பொறுப்பில் ஆந்திர மாநில ஆளுநர் ரங்கராஜன் நியமிக்கப்பட்டுள்ளார். இந்தநிலையில் புதிய ஆளுநர் நியமனம் குறித்து தீவிர ஆலோசனை நடந்து வருகிறது.

தீவிர பாரதீய ஜனதாக் கட்சி பிரமுகர்தான் புதிய ஆளுநராக நியமிக்கப்படவுள்ளார் என்று ஒரு பேச்சு நிலவுகிறது. புதிய ஆளுநர்மூலம் பல பலன்களை அடைய நினைக்கிறது பாரதீய ஜனதாக் கட்சி.

மாநிலத்தின் ஆட்சி லகானை தனது கையில் வைத்துக் கொள்ளவும், ஜெயலலிதாவின் அதிகாரங்களை கண்காணித்து வருவதோடுஅவரது செயல்பாட்டுக்குக் கட்டுப்பாடு விதிப்பது, தமிழகத்தில் பாரதீய ஜனதாக் கட்சியை மேலும் பலமுடையதாக மாற்றுவது எனபல காய்களை நகர்த்தப் பார்க்கிறது பா.ஜ.க.

அந்த வகையில் பா.ஜ.கவின் உறுதியான தலைவர்களில் ஒருவரான பைரான்சிங் செகாவத்தை ஆளுநராக்க தீவிர ஆலோசனைநடப்பதாகத் தெரிகிறது. ராஜஸ்தானின் அசைக்க முடியாத பா.ஜ.க. தலைவராக இருப்பவர் பைரான்சிங் செகாவத். முந்தையஜெயலலிதாஆட்சியின்போது நியமிக்கப்பட்ட சென்னா ரெட்டி போல சிக்கலான ஆள்தான் இந்த செகாவத்.

இவர் தவிர இன்னொரு பெயரும்அடிபடுகிறது. முன்னாள் மத்திய அமைச்சரான சிக்கந்தர் பக்த்தான் அவர்.

பாத்திமா பீவியின் நீக்கத்தால் முஸ்லிம் மக்களின் அதிருப்தியைப் பெற்றுள்ளதாக தேசிய ஜனநாயக கூட்டணிக் கட்சியினர்நினைக்கின்றனர். எனவே அதை சரி செய்ய சிக்கந்தர் பக்த்தை நியமிக்கலாம் என்று ஒரு பேச்சு உள்ளது. இருப்பினும், தீவிரஅரசியலில் உள்ள பக்த், ஆளுநர் பதவியில் அமர யோசிப்பார் என்று கூறப்படுகிறது.

இவர்கள் இருவர் தவிர மேலும் சிலரின் பெயர்களும் ஆளுநர் பதவிக்கு அடிபடுகிறது. யாராக இருந்தாலும் அவர் நிச்சயம்ஜெயலலிதாவுக்குத் தலைவலியாக இருப்பார் என்பது மட்டும் உறுதி.

திருமணம் ஆகாதவரா? இன்றே பதிவு செய்யுங்கள் தமிழ் மேட்ரிமோனியில் பதிவு இலவசம்!

தென் சென்னை தொகுதியின் மொத்த தேர்தல் தகவலும் இங்கே!
Po.no Candidate's Name Votes Party
1 Sumathy (alias) Thamizhachi Thangapandian 564872 DMK
2 J.jayavardhan 302649 AIADMK

 
 
 

நாள் முழுவதும் oneindia
செய்திகளை உடனுக்குடன் பெற

Notification Settings X
Time Settings
Done
Clear Notification X
Do you want to clear all the notifications from your inbox?
Settings X
We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Oneindia sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Oneindia website. However, you can change your cookie settings at any time. Learn more