அதிமுக அவைத் தலைவருக்கு பிடி வாரண்ட்

சென்னை:

ஒரு மோசடி வழக்கு சம்பந்தமாக அதிமுக அவைத் தலைவரான புலவர் புலமைப் பித்தனுக்கு எதிராக, ஜாமீனில்வெளி வரமுடியாத வாரண்ட் பிறப்பிக்கப்பட்டுள்ளது.

தியாகராஜன் என்பவருக்கு புலமைப் பித்தன் அனுப்பிய ரூ.50,000க்கான செக், பவுண்ஸாகித் திரும்பி விட்டதுஎன்று புகார் மனு கொடுக்கப்பட்டுள்ளது.

சென்னை 14வது பெருநகர நீதிமன்றத்தில் வியாழக்கிழமை இந்த மனு விசாரணைக்கு வந்தது.

வழக்கை விசாரித்த நீதிபதி, உடனடியாக புலமைப்பித்தனுக்கு எதிராக ஜாமீனில் வெளிவர முடியாத வாரண்டைப்பிறப்பித்து உத்தரவிட்டார்.

கடந்த வாரம் நடைபெற்ற அதிமுக செயற்குழுக் கூட்டத்தில்தான், அதிமுகவின் அவைத் தலைவராகபுலமைப்பித்தன் பதவி ஏற்றார் என்பது குறிப்பிடத்தக்கது.

யு.என்.ஐ.