குடியாத்தம் அருகே அணையில் குளித்த 4 பேர் பலி

குடியாத்தம்:

குடியாத்தம் அருகே உள்ள மோர்தானா அணையில் குளித்த 4 வாலிபர்கள் நீச்சல் தெரியாததால் நீரில் மூழ்கிபரிதாபமாக இறந்தார்கள்.

வேலூர் மாவட்டம் குடியாத்தம் அருகே உள்ள தர்ணாம்பட்டை என்ற ஊரைச் சேர்ந்த பீடித் தொழிலாளிஅல்லாபாஷா.

இவரது மகன்கள் அயாத்பாஷா மற்றும் அன்வர் பாஷா. மேலும் அல்லா பாஷாவின் பேரன் சிக்கந்தர் மற்றும்அவரது நண்பர் அஜீஸ். இவர்கள் 4 பேரும் பிளாஸ்டிக் பொருட்களை வாங்கி விற்கும் தொழிலைச் செய்துவந்தனர்.

கடந்த புதன்கிழமை இவர்கள் 4 பேரும் மோர்தானா அணையைச் சுற்றிப் பார்க்கச் சென்றுள்ளனர்.

அப்போது அந்த அணையில் உள்ள சிறுசிறு குட்டைகளில் தண்ணீர் தேங்கி இருந்தது. இந்தக் குட்டைகள் ஆழம்இல்லாமல் இருந்ததால் 4 பேரும் அதில் தாவிக்குதித்து குளித்தனர்.

பிறகு மற்றொரு குட்டையில் சிக்கந்தர் என்ற இளைஞர் குதிக்கும் போது அது ஆழம் அதிகமாக இருந்தது.சிக்கந்தருக்கு நீச்சல் தெரியாது எனவே அவர் நீரில் தத்தளத்துக் கொண்டிருந்தார்.

அவரைக் காப்பாற்றுகிறேன் என்று மற்ற 3 பேரும் ஒருவர் பின் ஒருவராக உள்ளே குதித்தனர். ஆனால் அவர்கள் 4பேருக்கும் நீச்சல் தெரியாது என்பதால் அனைவரும் நீரில் மூழ்கி பரிதாபமாக இறந்தனர்.

இதுகுறித்து தகவல் அறிந்ததும் குடியாத்தம் போலீசார் விரைந்து வந்து 4 உடல்களையும் மீட்டு பிரேதபரிசோதனைக்காக அரசு ஆஸ்பத்திரிக்கு அனுப்பி வைத்தனர்.

சம்பவம் குறித்து போலீசார் விசாரித்து வருகின்றனர்.