• search

காவிரி பிரச்சனை: உச்ச நீதிமன்றத்தில் வழக்கு தொடர தமிழகம் முடிவு

Posted By:
FOLLOW ONEINDIA TAMIL ON
For Quick Alerts
ALLOW NOTIFICATIONS
For Daily Alerts

    சென்னை:

    காவிரி பிரச்சனை தொடர்பாக, உச்ச நீதிமன்றத்தில் வழக்கு தொடரப் போவதாக தமிழக முதல்வர் ஜெயலலிதாஅறிவித்தார். இன்று (செவ்வாய்க்கிழமை) நடந்த தமிழக அமைச்சரவைக் கூட்டத்தில் இம்முடிவு எடுக்கப்பட்டது.

    மேட்டூர் அணையில் தண்ணீர் வற்றியுள்ள நிலையில், காவிரி டெல்டாப் பகுதிகளில் உள்ள குறுவைப் பயிர்கள்கருகும் நிலைக்குத் தள்ளப்பட்டுள்ளன.

    இதனால், காவிரியில் தண்ணீரைத் திறந்து விடவேண்டும் என்று கர்நாடகத்திடம் கோரிக்கை விடுத்தது. ஆனால்,கர்நாடகம் அதற்கு மறுக்கவே, கண்காணிப்புக் குழுக் கூட்டத்தைக் கூட்டச் செய்து, அக்கூட்டத்திலும் தமிழகம்முறையிட்டுப் பார்த்தது.

    அதற்கும் கர்நாடகம் மறுத்துவிட்டதையடுத்து, தமிழகத்தின் அனைத்துக் கட்சிக் குழு ஒன்று கூடி, பிரதமர்வாஜ்பாய், காங்கிரஸ் தலைவர் சோனியா காந்தி ஆகியோரைச் சந்தித்து, கர்நாடகம் காவிரியில் தண்ணீர் திறந்துவிடவேண்டும் என்று வலியுறுத்த வேண்டிக் கொண்டனர்.

    மேலும், அவர்கள் ஜனாதிபதி கே.ஆர். நாராயணனிடமும் இதுகுறித்து முறையிட்டனர். ஆனால், தமிழகத்தின்அனைத்து முயற்சிகளும் தோல்வியடைந்து விட்டன.

    இதற்கிடையே, கர்நாடகமும் அனைத்துக் கட்சிக் கூட்டத்தைக் கூட்டி, காவிரியில் தண்ணீர் திறந்துவிட முடியாதுஎன்று முடிவெடுக்கப்பட்டது. அவர்களும் வாஜ்பாயிடம் இதைத் தெளிவாகக் கூறிவிட்டனர்.

    இந்நிலையில், காவிரி நதி நீர் ஆணையத்தை உடனடியாகக் கூட்ட வேண்டும் என்று பிரதமருக்குக் கடிதம்எழுதினார் ஜெயலலிதா. ஆனால் இந்தக் கடிதத்திற்கும் இதுவரை எந்தவித பதிலும் வரவில்லை.

    தமிழகம் மேற்கொண்ட முயற்சிகளில் எந்தவிதப் பலனும் இல்லாமல் போன நிலையில், ஜெயலலிதா தலைமையில்தமிழக அமைச்சரவை இன்று கூடியது.

    கர்நாடகம் தண்ணீர் திறந்துவிடாததால், காவிரி பிரச்சனை தொடர்பாக உச்ச நீதிமன்றத்தில் வழக்கு தொடரஇக்கூட்டத்தில் ஒருமனதாக முடிவெடுக்கப்பட்டது.

    இவ்வழக்கில், மத்திய அரசையும் கர்நாடக அரசையும் பிரதிவாதியாகச் சேர்ப்பது என்றும் இக்கூட்டத்தில் முடிவுசெய்யப்பட்டது.

    இது தொடர்பாக, அட்டார்னி ஜெனரலுடன் ஆலோசனை நடக்கப் போவதாகவும், அமைச்சரவைக் கூட்டத்தில்தெரிவிக்கப்பட்டது.

    நாள் முழுவதும் oneindia
    செய்திகளை உடனுக்குடன் பெற

    We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Oneindia sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Oneindia website. However, you can change your cookie settings at any time. Learn more