அமெரிக்க தாக்குதலில் 9 குழந்தைகள் உள்ளிட்ட 15 பேர் பலி

டோஹா:

காபூல் மீது அமெரிக்கா இன்று (ஞாயிற்றுக்கிழமை) நடத்திய தாக்குதலில் பொதுமக்களில் 9 குழந்தைகள்உள்ளிட்ட 15 பேர் கொல்லப்பட்டதாக அல்-ஜஸேரா தொலைக்காட்சி தெரிவித்துள்ளது.

இந்த தொலைக்காட்சியில், மீட்கப்பட்ட 6 குழந்தைகளின் உடல்கள் காட்டப்பட்டன. அவை அடையாளம் காணமுடியாத அளவு சிதைந்து போயுள்ளன. இந்த 6 குழந்தைகளும் மசூதி ஒன்றில் வைக்கப்பட்டுள்ளன.

ஒரு வீட்டின் மீது அமெரிக்க விமானங்கள் குண்டு வீசியதில் அந்த வீட்டில் வசித்து வந்த 10 பேரில் ஒருவர்மட்டுமே உயிர் பிழைந்தார்.

அந்த வீட்டில் 3 குழந்தைகள் இறந்து போனார்கள். இறந்து போன 3 பேரின் உடல்கள் தாக்குதலுக்குள்ளானகட்டிடத்தின் இடிபாடுகளில் சிக்கியிருக்கலாம் என்று கருதப்படுகிறது.

உயிர் பிழைத்த ஒருவர் மருத்துவமனையில் சிகிச்சை பெற்று வருகிறார்.