உச்ச நீதிமன்ற தலைமை நீதிபதியாக பரூச்சா பதவியேற்பு

டெல்லி:

உச்ச நீதிமன்றத்தின் புதிய தலைமை நீதிபதியாக எஸ்.பி. பரூச்சா இன்று (வியாழக்கிழமை) பதவியேற்றுக்கொண்டார்.

உச்ச நீதிமன்றத்தின் தலைமை நீதிபதியாக இருந்து வந்த ஏ.எஸ். ஆனந்த் நேற்று (புதன்கிழமை, அக்டோபர் 31)ஓய்வு பெற்றார். இதையடுத்து உச்ச நீதிமன்றத்தின் மூத்த நீதிபதியான எஸ்.பி. பரூச்சா உச்ச நீதிமன்ற தலைமைநீதிபதியாக பொறுப்பேற்றுக் கொண்டார். இவருக்கு வயது 64. இவர் 1992ம் ஆண்டு உச்ச நீதிமன்ற நீதிபதியாகநியமிக்கப்பட்டார்.

வியாழக்கிழமை காலை ஜனாதிபதி மாளிகையில் நடைபெற்ற எளிமையான நிகழ்ச்சியில் பரூச்சாவுக்கு ஜனாதிபதிகே.ஆர். நாராயணன் பதவி பிரமாணம் செய்து வைத்தார்.

இந்த நிகழ்ச்சியில் பிரதமர் வாஜ்பாய், உச்ச நீதிமன்ற நீதிபதிகள் உள்ளிட்ட பலர் கலந்து கொண்டனர்.

தமிழக முதல்வராக ஜெயலலிதாவுக்கு பதவி பிரமாணம் செய்து வைத்தது செல்லாது என்ற தீர்ப்பை கூறி, தமிழகஅரசியலில் பெரும் பரபரப்பை ஏற்படுத்தியவர் பரூச்சா என்பது குறிப்பிடத்தக்கது.