தயாராக இருங்கள்: ராணுவத்திற்கு பெர்னாண்டஸ் உத்தரவு

ஜெய்சால்மர் (ராஜஸ்தான்):

எதிரிகள் மீது தாக்குதல் நடத்துவதற்குத் தயாராக இருங்கள் என்று எல்லையில் உள்ள இந்திய ராணுவத்தினருக்குபாதுகாப்பு அமைச்சர் ஜார்ஜ் பெர்னாண்டஸ் உத்தரவிட்டுள்ளார்.

எல்லைப் பகுதியில் குவிக்கப்பட்டுள்ள ராணுவத்தினரை நேற்று நேரில் சென்று பார்த்த பெர்னாண்டஸ், எந்தநேரத்திலும் எது வேண்டுமானாலும் நடக்கும் என்பதால் அனைவரும் விழிப்புடன் இருங்கள் என்று அவர்களைக்கேட்டுக் கொண்டார்.

இந்திய-பாகிஸ்தான் எல்லையில் பாதுகாப்பு நடவடிக்கைகள் குறித்தும் ராணுவ மற்றும் விமானப் படைஅதிகாரிகளிடம் பெர்னாண்டஸ் ஆலோசனை நடத்தினார்.

நாடாளுமன்றத் தாக்குதலுக்குப் பிறகு பாதுகாப்பு நடவடிக்கைகள் குறித்து மேற்பார்வையிடுவதற்காகபெர்னாண்டஸ் இப்போதுதான் முதல் முறையாக இப்பகுதிக்கு வந்துள்ளார் என்பது குறிப்பிடத்தக்கது.