சீன எல்லையிலிருந்து பாக். எல்லைக்கு நகரும் இந்திய ராணுவம்

டெல்லி:

அசாம் மாநிலத்தில் சீன எல்லைப் பகுதிகளில் உள்ள இந்திய ராணுவப் படைகளை பாகிஸ்தான் எல்லையில் குவிக்கமத்திய அரசு திட்டமிட்டுள்ளதாகத் தெரிகிறது.

இதுகுறித்து இன்று (திங்கள்கிழமை) நடக்கும் பாதுகாப்புக் கமிட்டியின் கூட்டத்தில் முடிவெடுக்கப்பட உள்ளது.

அசாமில் உள்ள சீன எல்லைப் பகுதியில் "தேர்ட் கார்ப்ஸ்" என்ற படையினர் காவல் காத்து வருகின்றனர்.

தற்போது இந்திய-பாகிஸ்தான் எல்லையில் பதற்றம் ஏற்பட்டு வருவதையடுத்து, "தேர்ட் கார்ப்ஸ்" படையினர்பாகிஸ்தான் எல்லையை நோக்கி அனுப்பப்பட உள்ளனர்.

எந்த நேரத்திலும் எது வேண்டுமானாலும் நடக்கலாம் என்ற சூழ்நிலையில், பிரதமர் வாஜ்பாய் தலைமையில்பாதுகாப்புக் கமிட்டியின் கூட்டம் இன்று நடைபெற உள்ளது.

பாகிஸ்தான் சுட்டதில் 2 ராணுவ வீரர்கள் பலி:

இந்நிலையில் எல்லைப் பகுதியில் இந்திய-பாகிஸ்தான் படையினருக்கிடையே நடந்து வரும் கடும் துப்பாக்கிச்சண்டையில் 2 இந்திய ராணுவ வீரர்கள் உயிரிழந்தனர். மேலும் 6 வீரர்கள் படுகாயமடைந்தனர்.