சென்னை-மதுரை ஜெட் ஏர்வேஸ் நேரம் மாற்றம்

மதுரை:

சென்னை- மதுரை இடையிலான காலை நேர விமான சேவையை ஜெட் ஏர்வேஸ் நிறுவனம் நிறுத்த உள்ளது. ஆனால், மாலையில்இந்த விமானத்தை இயக்க முடிவு செய்துள்ளது.

வரும் 28ம் தேதி முதல் இந்த மாற்றம் அமலுக்கு வரும். சென்னையில் இருந்து மாலை 6 மணிக்குப் புறப்படும் இந்த விமானம்7.20க்கு மதுரையை அடையும். அங்கிருந்து இரவு 8 மணிக்குப் புறப்பட்டு 9.20க்கு சென்னையை வந்தடையும்.

இந்தியன் ஏர்லைன்ஸ் சலுகை:

இதற்கிடையே இந்தியன் ஏர்லைன்ஸ் புதிய சலுகைக் கட்டணத் திட்டத்தை அறிவித்துள்ளது. இதன்படி 21 நாட்களுக்கு முன்டிக்கெட் பதிவு செய்தால் கட்டணத்தில் 50 சதவீதம் சலுகை தரப்படும் என்று அறிவிக்கப்பட்டுள்ளது.