கர்நாடகத்தில் தீபாவளி ரிலீஸ் தமிழ் படங்களுக்கும் இல்லை

பெங்களூர்:

வரும் தீபாவளி அன்று வெளியிடப்படும் தமிழ் திரைப்படங்களை கர்நாடகத்தில் திரையிடப் போவதில்லை என்றுஅம்மாநில திரைப்பட விநியோகஸ்தர்கள் அறிவித்துள்ளனர்.

ஏற்கனவே கடந்த இரண்டு வாரங்களுக்கும் மேலாக கர்நாடக தியேட்டர்களில தமிழ் படங்கள்திரையிடப்படவில்லை.

இந்நிலையில் தீபாவளியை முன்னிட்டு நவம்பர் மாதம் ரிலீசாகவுள்ள தமிழ்ப் படங்களையும் கர்நாடகத்தில்திரையிடப் போவதில்லை என்று அம்மாநில திரைப்பட விநியோகஸ்தர்கள் அறிவித்தனர்.

இன்று நடந்த கர்நாடக திரைப்பட விநியோகஸ்தர்கள் சங்கக் கூட்டத்தில் இந்த முடிவு எடுக்கப்பட்டது.

இதற்காகத் தியேட்டர் அதிபர்களிடமிருந்து வாங்கப்பட்ட பணத்தை அவர்களிடமே திரும்பவும் கொடுத்துவிடுவதென்றும் அவர்கள் முடிவு செய்துள்ளனர்.