ப.சிதம்பரத்தின் மகன் சேலத்தில் போட்டி?

சேலம்:

காங்கிரஸ் ஜனநாயகப் பேரவையின் பொதுச் செயலாளரும், முன்னாள் மத்திய நிதியமைச்சருமான ப.சிதம்பரத்தின்மகன் கார்த்திக் சிதம்பரம், சேலம் நாடாளுமன்றத் தொகுதியில் போட்டியிடக் கோரி சேலம் மாவட்ட காங்கிரஸ்ஜனநாயகப் பேரவை தீர்மானம் நிறைவேற்றியுள்ளது.

ப.சிதம்பரத்தின் மகன் கார்த்திக் சிதம்பரம் தனது தந்தை வழியில் அரசியலில் ஆர்வம் காட்டி வருகிறார்.ப.சிதம்பரத்தின் அரசியல் வாரிசாக அவர் உருவெடுத்து வருகிறார். கட்சியின் நிகழ்ச்சிகள், கட்சிப் பிரமுகர்களின்திருமண விசேஷங்களில் கார்த்திக்கும் பங்கேற்கிறார்.

இந் நிலையில் வரும் நாடாளுமன்றத் தேர்தலில் அவர் போட்டியிடக் கூடும் என்று எதிர்பார்க்கப்படுகிறது.இதற்கேற்ப, சேலம் மாவட்ட காங்கிரஸ் ஜனநாயகப் பேரவை கூட்டத்தில் கார்த்திக் சிதம்பரம், சேலம்நாடாளுமன்றத் தேர்தலில் போட்டியிடக் கோரி தீர்மானம் நிறைவேற்றப்பட்டுள்ளது.

கார்த்திக் சிதம்பரம் எந்தத் தொகுதியில் போட்டியிடுவார் என்பது ப.சிதம்பரத்தின் கையிலும், தமிழகத்தில்அமையப் போகும் திமுக தலைமையிலான கூட்டணியின் கையிலும் உள்ளது.