தமிழகத்தில் வாக்களிக்கும் நேரம் அதிகரிப்பு

சென்னை:

தமிழகத்தில் ஓட்டுப் போடுவதற்கான நேரம் 1 மணி நேரம் அதிகரிக்கப்படவுள்ளதாக தமிழக தலைமைத் தேர்தல்அதிகாரி மிருத்யுஞ்சய் சாரங்கி தெரிவித்துள்ளார்.

அனைத்துக் கட்சித் தலைவர்களுடன் ஆலோசனை நடத்திய அவர் பின்னர் செய்தியாளர்களிடம் பேசுகையில்,

வாக்களிப்பதற்கான கால அவகாசத்தை கூடுதலாக்க அனைத்துக் கட்சிகள் சார்பிலும் கோரிக்கை விடுக்கப்பட்டது.இதை ஏற்று 1 மணி நேரம் அதிகரிக்கப்படுகிறது. இதன்படி காலை 7 மணி முதல் மாலை 5 மணி வரைவாக்காளர்கள் ஓட்டுப் போடலாம்.

வேட்பாளர்களின் தேர்தல் செலவு தற்போது ரூ. 15 லட்சமாக உள்ளது. இதை ரூ. 25 லட்சமாக அதிகரிக்கவும்கூட்டத்தில் முடிவு செய்யப்பட்டது.

வாக்குச் சாவடிகளில் அமைச்சர்கள், எம்.பிக்கள், எம்.எல்.ஏக்கள் ஆகியோர் ஏஜென்டுகளாக செயல்பட அனுமதிகிடையாது என்றார் சாரங்கி.