அதிமுகவின் கலக்கல் போஸ்டர்

சென்னை:

சென்னை நகரின் பல பகுதிகளிலும் அதிமுக சார்பில் திடீரென ஒட்டப்பட்ட சுவரொட்டிகள் திமுக-காங்கிரஸ்கூட்டணியை டென்சனில் ஆழ்த்தியுள்ளது.

மத்திய சென்னை அதிமுக சார்பில் முளைத்துள்ள இந்த திடீர் சுவரொட்டிகளில், கருணாநிதி, மூப்பனார், ராமதாஸ்,முரசொலி மாறன் ஆகியோரின் கார்ட்டூன் படங்களும், அவர்களது கைகளில் ஸ்டாலின், ஜி.கே.வாசன்,அன்புமணி, தயாநிதி மாறன் ஆகிய வாரிசுகள் தவழ்வது போலவும் படங்களும் இருந்தன.

வாரிசுகளுக்காக வாழும் இவர்களுக்கா உங்கள் ஓட்டு, மக்களே சிந்திப்பீர் என்ற வாசகங்கள் அதில் இடம்பெற்றுள்ளன.

திருவல்லிக்கேணி உள்ளிட்ட மத்திய சென்னை தொகுதிக்குட்பட்ட பல பகுதிகளில் இந்த சுவரொட்டிகள்ஒட்டப்பட்டுள்ளன. வாரிசு அரசியல் குறித்த உண்மை நிலையை கார்ட்டூனாக விளக்கும், இந்த போஸ்டர்களுக்குமக்களிடம் நல்ல வரவேற்பு கிடைத்துள்ளது.