விஜயகாந்த் மீது பாமக பெண் எம்.எல்.ஏ. பாய்ச்சல்

கள்ளக்குறிச்சி:

ரசிகர்களைத் திசை திருப்பி அதன் மூலம் தனது ரசிகர் மன்றத்தை வளர்த்துக் கொள்ளும் முயற்சியில் நடிகர் விஜயகாந்த் ஈடுபட்டிருப்பதாக பாமகவைச் சேர்ந்த சங்கராபுரம் தொகுதி எம்.எல்.ஏ. காசாம்பூ பூமாலை கூறியுள்ளார்.

விழுப்புரம் மாவட்டம் கள்ளக் குறிச்சியில் அவர் செய்தியாளர்களிடம் பேசுகையில், நடிகர் நாடாளக் கூடாது என்று எங்களது கட்சித் தலைவர் கூறவில்லை. மாறாக, சிகரெட் பிடிப்பது, மது அருந்துவது போன்ற காட்சிகளில் நடிகர்கள் நடிக்கக் கூடாது என்பதையே எங்களது கட்சி வலியுறுத்தி வருகிறது.

விஜயகாந்த் தனது ரசிகர் மன்றத்தை வளர்த்துக் கொள்ளட்டும், நாடாளட்டும், அதைப் பற்றி எங்களுக்குக் கவலை இல்லை. ஆனால், ராமதாஸைப் பற்றியும், அன்புமணியைப் பற்றியும் தவறாகக் கருத்து கூறி ரசிகர்களைத் திசை திருப்பும் செயலில் ஈடுபட்டுள்ளார் விஜயகாந்த் என்று கூறினார் அவர்.