விபச்சாரிகளுக்கு லைசென்ஸ் வழங்கும் திட்டம் இல்லை

டெல்லி:

விபச்சாரிகளுக்கு லைசென்ஸ் வழங்கும் திட்டம் இல்லை என்று மத்திய மனித வளத் துறை அமைச்சர் காந்திசிங் கூறினார்.

போலீசார், சமூக விரோதிகள் மற்றும் இடைத்தரகர்கள் பாலியல் தொழிலாளர்களை சுரண்டுவதில் இருந்து தடுக்க, அவர்களுக்கு லைசென்ஸ் வழங்க மத்திய அரசு திட்டமிட்டுள்ளதாக செய்திகள் வெளியாகின.

இதை காந்திசிங் மறுத்துள்ளார். இதுதொடர்பாக அவர் வெளியிட்டுள்ள அறிக்கையில் கூறியிருப்பதாவது:

பாலியல் தொழிலாளர்களுக்கு லைசென்ஸ் கொடுப்பதன் மூலம் எய்ட்ஸ் நோய் பரவுவதைக் கட்டுப்படுத்த முடியும்.

ஆனால் அவ்வாறு லைசென்ஸ் வழங்கும் திட்டம் எதுவும் மத்திய அரசிடம் தற்போது இல்லை. இத்தகைய பிரச்சினைகளில் முடிவு எடுக்கும்போது இதில் தொடர்புடையவர்களிடம் ஆலோசனை நடத்திய பிறகே முடிவுகள் வெளியிடப்படும் என்று கூறப்பட்டுளளது.