• search
For Quick Alerts
ALLOW NOTIFICATIONS  
For Daily Alerts

நகை கொள்ளையடித்த சிபிஐ அதிகாரிகள்

By Staff
|
சென்னை:

சென்னை தி.நகரில் சிபிஐ அதிகாரிகள் போல நடித்த இருவர் நகைக் கடையில் கொள்ளை அடித்துக் கொண்டுதப்பினர். அவர்களில் ஒருவனை பொது மக்கள் மறித்துப் பிடித்தனர். இன்னொருவன் தப்பிவிட்டான்.

கோவை ஆர்.எஸ்.புரத்தை சேர்ந்த நகை வியாபாரி சந்தோஷ் (22). இவர் தி.நகர் உஸ்மான் சாலையில் உள்ளபிரபல நகை மாளிகைக்கு நகைகள் தயாரித்து கொடுத்து வருகிறார். பல லட்சம் மதிப்புள்ள 11 செட் நெக்லஸ்,162 ஜோடி காதணிகளுடன் சென்னை வந்த இவர், அதை கடைக்கு சப்ளை செய்ய சென்று கொண்டிருந்தார்.

தி.நகர் பகுதியில் அவரை இருவர் வழிமறித்தனர். நாங்கள் சி.பி.ஐ. அதிகாரிகள். நீங்கள் கடத்தல் தங்கம்வைத்திருப்பதாக எங்களுக்கு தகவல் வந்துள்ளது. உங்களை சோதனையிட வேண்டும் என்று கூறி சந்தோஷைஅவர்கள் இருவரும் அழைத்து சென்றுள்ளனர்.

அப்போது சந்தோஷ் தன்னை சி.பி.ஐ. அதிகாரிகள் விசாரணைக்கு அழைத்துச் செல்கிறார்கள் என தனதுஉறவினருக்கு செல்போனில் தகவல் சொல்லி கொண்டிருந்தபோது, அந்த இரு மர்ம நபர்களும் சந்தோஷ் கையில்வைத்திருந்த நகைப்பையை பறித்து ஒரு ஆட்டோவில் ஏறி தப்பிவிட்டனர். ஆட்டோவையும் அவர்கள் தயாராகவைத்துவிட்டு வந்ததாகத் தெரிகிறது.

இவர்கள் சி.பி.ஐ. அதிகாரிகள் அல்ல, கொள்ளையர்கள் என்பதைப் புரிந்து கொண்ட சந்தோஷ் உடனேவேறொரு ஆட்டோவில் ஏறி அவர்களைத் துரத்தி உள்ளார்.

சந்தோஷ் துரத்தி வருவதையறிந்த அவர்கள் இனி தப்ப முடியாது என்ற முடிவுக்கு வந்து நகைப் பையை, பக்கத்தில்மோட்டார் சைக்கிளில் வந்து கொண்டிருந்த இருவர் மீது வீசி உள்ளனர்.

சந்தோஷ் எழுப்பிய அபயக் குரலைக் கேட்ட அப் பகுதி மக்கள் கடத்தல் ஆசாமிகள் சென்ற ஆட்டோவை வழிமறித்தனர். அப்போது அதிலிருந்த ஒருவனும் ஆட்டோ டிரைவரும் தப்பியோடிவிட்டனர். இன்னொருவன் மட்டும்மக்களிடம் சிக்கிக் கொண்டான். அவனை பொது மக்களும் சந்தோஷும் திரு வி.க. காவல் நிலையத்தில்ஒப்படைத்தனர்.

பிடிபட்டவனின் பெயர் அயூப் என்பதும், அவன் மும்பையை சேர்ந்தவன் என்பதும் போலீஸ் விசாரணையில்தெரிய வந்துள்ளது. அவனிடம் போலீஸார் மேலும் விசாரணை நடத்தி வருகிறார்கள்.

Mail this to a friend  Post your feedback  Print this page 

திருமணம் ஆகாதவரா? இன்றே பதிவு செய்யுங்கள் தமிழ் மேட்ரிமோனியில் பதிவு இலவசம்!

மேலும் சென்னை செய்திகள்View All

 
 
 

நாள் முழுவதும் oneindia
செய்திகளை உடனுக்குடன் பெற

Notification Settings X
Time Settings
Done
Clear Notification X
Do you want to clear all the notifications from your inbox?
Settings X
We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Oneindia sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Oneindia website. However, you can change your cookie settings at any time. Learn more