திருச்செந்தூரில் ஆவணி தேரோட்டம்

திருச்செந்தூர்:

திருச்செந்தூர் சுப்பிரமணிய சுவாமி திருக்கோவிலில் ஆவணித் தேரோட்டம் இன்று காலை சிறப்பாகநடைபெற்றது.

திருவிழா கடந்த 3ம் தேதி கொடியேற்றத்துடன் தொடங்கியது. தினமும் சுவாமிக்கு சிறப்பு அலங்காரங்களும்அபிஷேக ஆராதனைகளும் நடத்தப்பட்டன. 10-ம் நாளான இன்று தேரோட்டம் நடைபெற்றது.

முதலில் அதிகாலை 5.30 மணிக்கு விநாயகர் தேர் இழுக்கப்பட்டது. பின்னர் சுப்பிரமணிய சுவாமி தேர் 6.20மணிக்கு இழுக்கப்பட்டு, 4 வீதிகளிலும் வலம் வந்து 7.35 மணிக்கு நிலையை அடைந்தது.

அதேபோல் அம்மன் தேர் காலை 7.40 மணிக்கு இழுக்கப்பட்டு, 8.25 மணிக்கு நிலையை வந்தடைந்தது. இந்தத்தேரோட்டத்தில் ஆயிரக்கணக்கான பக்தர்கள் தேர் இழுத்தனர்.

தேரோட்டத்தை ஒட்டி பலத்த பாதுகாப்புக்கு காவல்துறை ஏற்பாடு செய்திருந்தது.