• search
For Quick Alerts
ALLOW NOTIFICATIONS  
For Daily Alerts

கைது செய்த தமிழக கமாண்டோ படை மீது புகார்!

By Staff
|

சென்னை:

ஜெயேந்திரரை கைது செய்ய விமானத்தில் ஆயுதங்களை எடுத்துச் சென்ற தமிழக போலீஸ் கமாண்டோ படை மீது இந்திய விமானஆணையமும் மத்திய தொழில்துறைப் பாதுகாப்புப் படையினரும் புகார் கூறியுள்ளனர்.

விமானப் போக்குவரத்து அமைச்சகத்திடம் இந்த புகார் அளிக்கப்பட்டுள்ளது.

காஞ்சி மடாதிபதி ஜெயேந்திரரைக் கைது செய்ய போலீஸ் தனிப் படையினர் தமிழக அரசுக்குச் சொந்தமான செஸ்னா ரக விமானத்தில்சென்றனர். ஹைதராபாத்திலிருந்து ஜெயேந்திரரை அதே விமானத்தில் சென்னைக்குக் கொண்டு வந்தனர்.

இந்த விஷயத்தில் புதிய சர்ச்சை எழுப்பட்டுள்ளது. செஸ்னா விமானத்தில் துப்பாக்கிகள் போன்றவற்றை தமிழக போலீஸார் எடுத்துச்சென்றது சட்டவிரோதமான செயல் என விமான ஆணையம், மத்திய தொழில்துறை பாதுகாப்புப் படை ஆகியவை குற்றம் சாட்டியுள்ளன.

விமான நிலைய பாதுகாப்பை கவனிப்பது இந்தப் படை தான் என்பது குறிப்பிடத்தக்கது.

விமானப் போக்குவரத்துக்கான இயக்குனரின் முன் அனுமதியைப் பெறாமல் இதுபோல ஆயுதங்கங்களை எடுத்துச் சென்றது சட்டப்படிகுற்றமாகும் என்று இரண்டு அமைப்புகளும் மத்திய விமானப் போக்குவரத்துத் துறை அமைச்சகத்திடம் புகார் தெரிவித்துள்ளன.

இது குறித்து காவல்துறை உயர் வட்டாரங்களில் விசாரித்தபோது, நாங்கள் சட்டவிரோத செயல் எதிலும் ஈடுபடவில்லை என்று கூறியபோலீசார், விமானத்துறையிலும் தொழில்துறை பாதுகாப்புப் படையிலும் அதிகாரம் கொண்ட பதவிகளில் உள்ள சங்கராச்சாரியாரின்சீடர்களான அதிகாரிகள் தான் தேவையில்லாமல் இந்த விவகாரத்தை கிளப்புகின்றனர் என்றனர்.

முன்னதாக இந்த கமாண்டோ படையினர் ஹைதராபாத்தில் வைத்து சங்கராச்சாரியாரைக் கைது செய்ய முயன்றபோது அவர் உடன் வரமறுத்துள்ளார். நான் காஞ்சிபுரம் வந்த பிறகு வந்து என்னைப் பாருங்கள் என்று கூறியுள்ளார்.

ஆனால், உடனே உங்களிடம் விசாரிக்க வேண்டும். உங்களை தனி விமானத்தில் அழைத்துச் செல்கிறோம் என்று நெடுநேரம் பேசியபின்னரே உடன் வர சம்மதித்துள்ளார். இந்தக் கைது நடவடிக்கையின்போது இளையவரான விஜயேந்திரர் அங்கிருந்தார். அவர்முன்னிலையிலேயே இக் கைது நடந்தது.

Mail this to a friend  Post your feedback  Print this page 

வரன் தேடுகிறீர்களா? தமிழ் மேட்ரிமோனியில் இன்றே பதிவு செய்யுங்கள் - பதிவு இலவசம்!

 
 
 
உடனடி நியூஸ் அப்டேட்டுகள்
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X