வேன்- லாரி மோதலில் 5 பேர் பலி

விழுப்புரம்:

விழுப்புரம் அருகே வேனும், சரக்கு லாரியும் மோதிக் கொண்டதில் 3 பெண்கள் உள்பட 5 பேர் இறந்தனர்.

புதுவை பிள்ளைச்சாவடி பகுதியைச் சேர்ந்த சிலர் திருமணப் பட்டு வாங்க காஞ்சிபுரத்திற்கு வேனில் சென்றனர். ஜவுளி வாங்கிமுடித்த பின்னர் ஊர் திரும்பிக் கொண்டிருந்தனர்.

அவர்கள் பயணித்த வேன் விழுப்புரம் மாவட்டம் இரையானூர் என்ற இடத்தில் வந்தபோது எதிரே வந்த சரக்குலாரி, வேன் மீதுபயங்கரமாக மோதியது.

இதில் 3 பெண்கள் உள்பட 5 பேர் சம்பவ இடத்திலேயே இறந்தனர். 16 பேர் காயமடைந்து மருத்துவமனையில்அனுமதிக்கப்பட்டுள்ளனர். இந்த விபத்து குறித்து கிளியனூர் போலீஸார் விசாரணை நடத்தி வருகிறார்கள்.