கடுமையாக உயரப் போகும் பெட்ரோல் விலை

டெல்லி:

பெட்ரோல், டீசல் விலையை உயர்த்தியே ஆக வேண்டிய நிலை ஏற்பட்டுள்ளதாகவும் அதைத் தவிர்க்கவேமுடியாது என்றும் மத்திய பெட்ரோலியத் துறை அமைச்சர் மணிசங்கர அய்யர் கூறியுள்ளார்.

தனியார் தொலைக்காட்சி ஒன்றுக்கு அவர் அளித்த பேட்டியில், சர்வதேச சந்தையில் கச்சாப் பொருட்களின் விலைமிகக் கடுமையாக உயர்ந்துள்ளது. எனவே பெட்ரோல், டீசல் விலையை உயர்த்துமாறு எண்ணெய் நிறுவனங்கள்தொடர்ந்து அரசை வலியுறுத்தி வருகின்றன.

எனவே பெட்ரோல் விலையை ரூ. 3 வரையிலும், டீசல் விலையை ரூ. 5 வரையிலும் உயர்த்த வேண்டிய நிலைஏற்பட்டுள்ளது.

இருப்பினும் இதுகுறித்து மத்திய அமைச்சரவைதான் இறுதி முடிவெடுக்கும். அதேசமயம், பெட்ரோல் விலைஉயர்வை மேலும் தள்ளிப் போட முடியாத அளவுக்கு நிலைமை உள்ளது என்றார் அய்யர்.