காஞ்சிபுரம் தேர்தலை எதிர்த்த மனு தள்ளுபடி

சென்னை:

காஞ்சிபுரம், கும்மிடிப்பூண்டி சட்டசபை இடைத் தேர்தலை எதிர்த்த மனுவை சென்னை உயர்நீதிமன்றம் தள்ளுபடி செய்தது.

வீரராகவன் என்பவர் சென்னை உயர்நீதிமன்றத்தில் மனு ஒன்றைத் தாக்கல் செய்தார். அதில், காஞ்சிபுரம் மற்றும் திருவள்ளூர்மாவட்டங்களில் சுனாமி நிவாரணப் பணிகள் இன்னும் முடிவடையவில்லை. மேலும், பொதுத் தேர்தலுக்கு இன்னும் ஒருவருடமே உள்ளது.

இந்த நிலையில், காஞ்சிபுரம், கும்மிடிப்பூண்டி இடைத் தேர்தலை நடத்துவது அரசுக்கு வீண் செலவாகும். எனவே இந்த இடைத்தேர்தலுக்கு தடை விதிக்க வேண்டும் என்று கோரியிருந்தார்.

இந்த மனுவை விசாரித்த நீதிபதிகள் கற்பகவிநாயகம், நாகப்பன் ஆகியோர் அடங்கிய பெஞ்ச், தேர்தல் பணிகள் தொடங்கி,வேட்பு மனு தாக்கலும் ஆரம்பமாகி விட்டது. இந்த நிலையில் தேர்தலுக்குத் தடை விதிக்க முடியாது என்று கூறி மனுவைத்தள்ளுபடி செய்தனர்.