கோவில் யானைக்கு மதம் பிடித்தது; சமயபுரத்தில் பதட்டம்

சமயபுரம்:

திருச்சி அருகே உள்ள சமயபுரம் மாரியம்மன் கோவில் யானைக்கு மதம் பிடித்ததால் அங்கு பெரும் பதட்டம் ஏற்பட்டுள்ளது.

சமயபுரம் மாரியம்மன் கோவிலில் மாரியம்மன் என்ற பெண் யானை உள்ளது. இன்று காலை அந்த யானை, குளிப்பதற்காககொண்டு செல்லப்பட்டது. அப்போது அதற்கு மதம் பிடித்தது. யானைப் பாகனை தூக்கி வீச அது முயன்றது. ஆனால்அதிர்ஷ்டவசமாக பாகன் தப்பினார்.

பின்னர் யானை இருந்த கொட்டகை மூடப்பட்டது. யானைக்கு மதம் பிடித்த செய்தி பரவியதும், சமயபுரம் கோவிலைச் சுற்றியுள்ளகடைகள் அடைக்கப்பட்டன. கோவில் நடையும் மூடப்பட்டது. போலீஸார் அங்கு பெருமளவில் குவிக்கப்பட்டனர். துப்பாக்கிஏந்திய போலீஸார் யானை அடைக்கப்பட்டுள்ள கொட்டகை முன்பு குவிக்கப்பட்டனர்.

கோவிலைச் சுற்றிலும் பொதுமக்கள் யாரும் அனுமதிக்கப்படாமல் அங்கிருந்து வெளியேற்றப்பட்டனர். கொட்டகைக்குள்அடைக்கப்பட்டுள்ள யானை அட்டகாசம் செய்து வருகிறது.