கள்ளழகர் திருவிழா: வைகையிலிருந்து தண்ணீர் திறப்பு

மதுரை:

மதுரை சித்திரைத் திருவிழாவின் முக்கிய நிகழ்ச்சியான கள்ளழகர் ஆற்றில் இறங்கும் வைபவத்தையொட்டி, வைகைஅணையிலிருந்து இன்று தண்ணீர் திறந்து விடப்பட்டது.

மதுரை சித்திரைத் திருவிழா உச்சகட்டத்தை எட்டியுள்ளது. நாளை மீனாட்சி சுந்தரேஸ்வரர் திருக்கல்யாணம் நடைபெறவுள்ளது.இதையடுத்து வருகிற 24ம் தேதி கள்ளழகர் வைகை ஆற்றில் இறங்குகிறார்.

அழகர் ஆற்றில் இறங்குவதையொட்டி வைகை அணையிலிருந்து இன்று காலை தண்ணீர் திறந்து விடப்பட்டது. விநாடிக்கு 2000கன அடி நீர் திறந்து விடப்பட்டுள்ளது. இந்த தண்ணீர் 23ம் தேதி மாலை மதுரை சென்றடையும் என்று பொதுப் பணித்துறைதலைமைப் பொறியாளர் சங்கிலி தெரிவித்தார்.