நீதிபதி ராமன் மருமகன் கொலை: கொலையாளிக்கு ஆயுள்

திருச்சி:

வெங்கடேச பண்ணையார் சுட்டுக் கொல்லப்பட்டது தொடர்பாக அமைக்கப்பட்ட விசாரணைக் கமிஷனின் தலைவரான நீதிபதிராமனின் மருமகன் வெங்கடேசன் சுட்டுக் கொல்லப்பட்ட வழக்கில் ஒருவருக்கு ஆயுள் தண்டனையும், இன்னொருவருக்கு 7ஆண்டு சிறைத் தண்டனையும் விதிக்கப்பட்டுள்ளது. 6 பேர் விடுதலை செய்யப்பட்டனர்.

வெங்கடேச பண்ணையார் சென்னையில் போலீஸாரால் சுட்டுக் கொல்லப்பட்டது தொடர்பாக விசாரிக்க நீதிபதி ராமன்கமிஷனை தமிழக அரசு அமைத்தது.

இந்த அறிவிப்பு வெளியான சில நாட்களிலேயே திருச்சியில் ராமனின் மருமகன் வெங்கடேசன் சிலரால் அவரது வீட்டில்வைத்து சுட்டுக் கொல்லப்பட்டார்.

இந்த கொலை சம்பவம் தொடர்பாக தவசிமுத்து, அருண், தாமோதரன், ராஜா உள்ளிட்ட 8 பேரை போலீஸார் கைது செய்தனர்.இவர்கள் மீது திருச்சி 2வது விரைவு நீதிமன்றத்தில் விசாரணை நடந்து வந்தது. இன்று இதில் தீர்ப்பு வழங்கப்பட்டது.

கைது செய்யப்பட்ட 8 பேல் தவசிமுத்து மற்றும் அருண் ஆகியோரைத் தவிர மற்ற 6 பேரும் விடுதலை செய்யப்பட்டனர்.இவர்கள் மீதான சதித் திட்ட புகார்களுக்கு உரிய ஆதாரம் இல்லாததால் அவர்கள் விடுதலை செய்யப்படுவதாக நீதிபதிஅறிவித்தார்.

தவசிமுத்துவுக்கு ஆயுள் தண்டனையும், அருணுக்கு 7 ஆண்டு சிறைத் தண்டனையும் விதித்து நீதிபதி தீர்ப்பளித்தார்.