கோவை கோர்ட்டில் ஜெயலட்சுமி இன்று ஆஜர்

கோவை:

ரூ. 1.80 லட்சம் மோசடி செய்த வழக்கில் கோவை நீதிமன்றத்தில் சிவகாசி ஜெயலட்சுமி செவ்வாய்க்கிழமை ஆஜராகிறார்.

டி.எஸ்.பி. ராஜசேகரின் மனைவி என்றும், பெண் போலீஸ் சப் இன்ஸ்பெக்டர் என்றும் கூறி கோவையைச் சேர்ந்த தொழிலதிபர்ஒருவரிடம் ஜெயலட்சுமி ரூ. 1.80 லட்சம் கடன் வாங்கினார். ஆனால் பணத்தைத் திருப்பித் தரவில்லை. இதுதொடர்பாக சிபிஐவிசாரணை நடத்தப்பட்டு கோவை தலைமைக் குற்றவியல் நடுவர் நீதிமன்றத்தில் குற்றப்பத்திரிக்கை தாக்கல் செய்யப்பட்டது.

கடந்த 26ம் தேதி ஜெயலட்சுமியிடம் குற்றப்பத்திரிக்கை நகல் வழங்கப்பட்டது. அப்போது இன்று குற்றப்பத்திரிக்கை மீதுவிசாரணை நடைபெறும் என நீதிபதி தண்டபாணி அறிவித்திருந்தார். இதையடுத்து இன்று மாலை ஜெயலட்சுமி நீதிமன்றத்தில்ஆஜராகிறார்.