கொல்கத்தாவில் தேவர் சிலை: பார்வர்ட் பிளாக்

மதுரை:

பசும்பொன் முத்துராமலிங்கத் தேவரின் முழு உருவச் சிலை கொல்கத்தாவில் வைக்கப்படவுள்ளதாக அகில இந்திய பார்வர்ட்பிளாக் கட்சி அறிவித்துள்ளது.

இதுதொடர்பாக அக்கட்சி மதுரையில் இன்று வெளியிட்ட அறிக்கையில், சுதந்திரப் போராட்ட வீரரான பசும்பொன்முத்துராமலிங்கத் தேவர், நேதாஜி சுபாஷ் சந்திரபோஸின் தீவிர ஆதரவாளராக திகழ்ந்தவர். நேதாஜி, காங்கிரஸ் கட்சியிலிருந்துவிலகியபோது, அவருக்க ஆதரவாக தேவரும், பார்வர்ட் பிளாக் கட்சியில் இணைந்து செயல்பட்டார்..

இந்த வகையில், தேவரின் சிலையை கொல்கத்தாவில் நிறுவ அகில இந்திய பார்வர்ட் பிளாக் கட்சி தீவிர முயற்சிகளில்ஈடுபட்டுள்ளது. நேதாஜியின் சொந்த மாநிலமான மேற்கு வங்காலத்தில் தேவர் சிலை அமைக்கப்படுவது சாலப் பொருத்தமாகஇருக்கும் என்பதால் இந்த முடிவு எடுக்கப்பட்டுள்ளது..

சிலை அமைப்பதற்கான முழுச் செலவுகளையும் தமிழ் மாநில பார்வர்ட் பிளாக் கட்சியே ஏற்கும் என்று தெரிவிக்கப்பட்டுள்ளது..