புதுக் கட்சி: விஜயகாந்த் இன்று அறிவிப்பு

சென்னை:

நடிகர் விஜயகாந்த் தனது புதிய கட்சி குறித்த அறிவிப்பை பத்திரிக்கையாளர் சந்திப்பில் அறிவிக்கிறார்.

ரஜினிகாந்த்தைப் போலவே அரசியல் ஆசையுடன் வலம் வந்த நடிகர் விஜயகாந்த் சமீப காலமாகவே, குறிப்பாக ரஜினிகாந்த்தின்அரசியல் பிரவேசம் குறித்த எதிர்பார்ப்பு மங்கத் தொடங்கியதற்குப் பிறகு, நான் நிச்சயம் அரசியலுக்கு வருவேன் என பேசத்தொடங்கினார்.

இதற்கு முன்னோட்டமாக தனது ரசிகர் மூன்றம் பல்வேறு சமூகப் பணிகளை முடுக்கி விட்டார். செப்டம்பர் மாதம் தனது அரசியல்கட்சி குறித்த அறிவிப்பு மதுரையில் வெளியிடப்படும் என சில மாதங்களாக கூறி வந்தார் விஜயகாந்த்.

இந்த நிலையில் திடீரென ஜூன் 1ம் தேதி தனது புதிய கட்சி குறித்த அறிவிப்பை வெளியிட விஜயகாந்த் முடிவெடுத்தார்.இதையடுத்து விஜயகாந்த் ரசிகர்கள் மத்தியில் புதிய பரவசம் ஏற்பட்டுள்ளது. மதுரை உள்ளிட்ட தென் மாவட்டங்களிலிருந்துஏராளமான ரசிகர்கள் சென்னைக்கு வந்துள்ளனர். அனைவரும் விஜயகாந்த்துக்குச் சொந்தமான கோயம்பேடு, ஆண்டாள் அழகர்திருமணத்தில் (இதுதான் கட்சி அலுவலகமாக மாற்றப்படவுள்ளது) குவிந்திருக்கிறார்கள்.

இன்று காலை தனது அரசியல் பிரவேசத்தை விஜயகாந்த் அறிவிப்பார் என எதிர்பார்க்கப்பட்டது. இருப்பினும், இன்று காலைமுதல் மனைவி பிரேமலதா, மைத்துனர் சுதீஷ், ரசிகர் மன்றத் தலைவர் ராமு வசந்தன் மற்றும் ரசிகர் மன்ற முக்கியப்பிரமுகர்களுடன் விஜயகாந்த் இறுதிக் கட்ட ஆலோசனையில் தீவிரமாக ஈடுபட்டுள்ளார்.

கட்சியின் பெயராக மக்கள் முன்னேற்றக் கழகம் அல்லது தமிழர் முன்னேற்றக் கழகம் ஆகியவற்றில் ஒன்று வைக்கப்படலாம்என்று கடைசியாக கிடைத்த தகவல்கள் தெரிவிக்கின்றன. ரசிகர் மன்றக் கொடியையே கட்சிக் கொடியாகவும் மாற்ற விஜயகாந்த்முடிவு செய்துள்ளதாக கூறப்படுகிறது. கட்சிக் கொடியின் நிறம் கருப்பு, சிவப்பாகவும், நடுவில் மஞ்சள் நிறத்தில் ஒலிம்பிக்ஜோதியும் இடம் பெறும்.

இன்னும் சற்று நேரத்தில் ஆண்டாள் அழகர் திருமண மண்டபத்தில் செய்தியாளர்களையும், ரசிகர்களையும் சந்திக்கவுள்ளார்விஜயகாந்த். அப்போது புதிய கட்சி குறித்த அறிவிப்பையும், மதுரை மாநாட்டுத் தேதியையும் விஜயகாந்த் அறிவிக்கவுள்ளார்.

அதிகாகரப்பூர்வமாக இன்றுதான் தனது அரசியல் பிரவேசத்தை விஜயகாந்த் வெளியிடவுள்ளார் என்றாலும், முதன் முதலாகஇதுகுறித்து திமுக தலைவர் கருணாநிதியிடம் தான் விஜயகாந்த் தெரிவித்துள்ளதாக தற்போது தெரியவந்துள்ளது. சமீபத்தில்கருணாநிதியை சந்தித்தபோது தனது அரசியல் பிரவேசம் குறித்து அவரிடம் கூறி அவரது ஆசியையும் விஜயகாந்த் பெற்றாராம்.விஜயகாந்த்தின் புதிய முயற்சியை வாழ்த்திய கருணாநிதி, கட்சியின் பெயர் என்ன என்று கேட்டாராம். அது மட்டும் சஸ்பென்ஸ்என்று சிரித்தவாறே கூறியுள்ளார் விஜயகாந்த்.

விஜயகாந்த்தின் புதிய கட்சியின் பிரவேசத்தை அறிவதற்காக செய்தியாளர்கள் ஏராளமான அளவில் கல்யாண மண்டபத்தில்குழுமியுள்ளனர்.

எம்.ஜி.ஆர்., சிவாஜி கணேசன், ஜெயலலிதா ஆகியோருக்குப் பிறகு தீவிர அரசியலில் குதிக்கப் போகும் முக்கிய நடிகர்விஜயகாந்த் என்பது குறிப்பிடத்தக்கது.