தமிழக மசூதிகளை புனரமைக்க ரூ. 1 கோடி

சென்னை:

தமிழகத்தில் உள்ள பள்ளிவாசல்கள் மற்றும் மசூதிகளைப் புனரமைக்க ரூ. 1 கோடியை தமிழக அரசு ஒதுக்கியுள்ளது.

கொடைக்கானலில் கடந்த மே 28ம் தேதி தமிழக வக்பு வாரிய கூட்டம் நடந்தது. அக்கூட்டத்தில், மசூதிகள், பள்ளிவாசல்களைப்புனரமைக்க நிதி ஒதுக்க முடிவு செய்யப்பட்டது. இதன்படி தமிழகம் முழுவதிலும் உள்ள மசூதிகளைப் புனரமைக்க ரூ. 1 கோடிஒதுக்கி தமிழக அரசு உத்தரவிட்டுள்ளது.

முதல் கட்டமாக 20 மசூதிகள் மற்றும் பள்ளிவாசல்களைப் புனரமைக்க ரூ. 50 லட்சம் நிதி ஒதுக்கீடு செய்யப்பட்டுள்ளது.படிப்படியாக மற்ற பள்ளிவாசல்களும் புனரமைக்கப்படும் என தமிழக அரசின் செய்திக்குறிப்பில் தெரிவிக்கப்பட்டுள்ளது.