இன்று கருணாநிதி பிறந்த நாள்

சென்னை:

திமுக தலைவர் கருணாநிதி தனது 83வது பிறந்த நாளைக் கொண்டாடுகிறார்.

இன்று (வெள்ளிக்கிழமை) கருணாநிதிக்கு 82 வயது முடிந்து 83 வயது பிறக்கிறது. மூத்த அரசியல் தலைவரான கருணாநிதி, தனதுபிறந்த நாளை மிக எளிமையாகக் கொண்டாடுகிறார்.

இன்று காலை தனது கோபாலபுரம் வீட்டில் பெற்றோரின் புகைப்படங்களுக்கு மாலை அணிவித்து வணங்கும் கருணாநிதிபெரியார், அண்ணா நினைவிடங்களில் தொண்டர்கள் புடைசூழ அஞ்சலி செலுத்துகிறார்.

பின்னர் அண்ணா அறிவாலயம் பின்புறம் உள்ள கலைஞர்அரங்கில் தொண்டர்களை சந்தித்து அவர்களது வாழ்த்துக்களைஏற்கிறார். பின்னர் மாலை 3 மணி முதல் 6 மணி வரை சிஐடி காலனி வீட்டில் பிரமுகர்களை சந்திக்கிறார்.

மாலையில் அண்ணா நகர் புல்லா ரெட்டி அவென்யூ பகுதியில் பொதுக் கூட்டம் நடைபெறுகிறது. இதில் ஆந்திர முதல்வர்ராஜசேகர் ரெட்டி, புதுவை முதல்வர் ரங்கசாமி, கூட்டணிக் கட்சித் தலைவர்கள் ஆகியோர் கலந்து கொண்டு கருணாநிதியைவாழ்த்திப் பேசுகிறார்கள்.