நட்வர் சிங் இலங்கை பயணம்

கொழும்பு:

வெளியுறவுத் துறை அமைச்சர் நட்வர் சிங் இந்த வாரம் இலங்கை செல்கிறார். அங்கு 2 நாள் சுற்றுப்பயணம் செய்யும் அவர், இரு நாடுகளுக்கு இடையேயானவியாபாரம், முதலீடு மற்றும் சுற்றுலா வளர்ச்சி குறித்த கூட்டங்களில் பங்கேற்கிறார்.

இலங்கை அதிபர் சந்திரிகா கடந்த வாரம் 3 நாள் சுற்றுப்பயணமாக இந்தியா வந்திருந்தார். அப்போது அவர், பிரதமர் மன்மோகன் சிங், வெளியுறவுத் துறை அமைச்சர்நட்வர் சிங் ஆகியோரை சந்தித்து பேசினார்.

இந் நிலையில் வெளியுறவுத் துறை அமைச்சர் நட்வர் சிங் 2 நாள் சுற்றுப்பயணமாக இலங்கை செல்கிறார். வருகிற 9ம் தேதி கொழும்பு புறப்பட்டு செல்லும் அவர், இருநாடுகளுக்கு இடையேயான வியாபாரம், முதலீடு, சுற்றுலா வளர்ச்சி மற்றும் கல்வி தொடர்பான கூட்டுக் குழு கூட்டத்தில் கலந்து கொள்கிறார்.

இலங்கை அதிபர் சந்திரிகா குமாரதுங்காவையும் நட்வர் சிங் சந்தித்து பேசுகிறார்.