தமிழகத்தில் சராசரி மழை பெய்யும்: வானிலை மையம்

சென்னை:

தமிழ்நாட்டில் இந்த ஆண்டு சராசரி மழை பெய்யும் என்று சென்னை வானிலை ஆராய்ச்சி மையம் தெரிவித்துள்ளது.

இது குறித்து சென்னை வானிலை ஆராய்ச்சி மைய அதிகாரி ரமணன் கூறுகையில், தமிழ்நாட்டில் ஒரு ஆண்டில் மூன்றில் ஒருபகுதி மழை, தென்கிழக்கு பருவமழையினால் கிடைக்கிறது. மீதமுள்ள மழை வடகிழக்கு பருவமழையாலும் மற்றகாலநிலையாலும் கிடைக்கிறது.

இந்தியா முழுவதும் பருவமழையின் அளவை எடுத்துக் கொண்டால் இந்த ஆண்டு வழக்கமாக பெய்யும் மழையில் சராசரிஅளவான 98 சதவீதம் பெய்ய வாய்ப்புள்ளதாக டெல்லி வானிலை ஆராய்ச்சி மைய தலைமையகம் அறிவித்துள்ளது.

கேரளாவில் தென்மேற்கு பருவமழை தொடங்கி விட்டது. இவ்வருடம் அங்கு அதிகமாக மழை பெய்தால் மேற்கு தொடர்ச்சிமலை அருகே உள்ள பகுதிகளான நெல்லை மாவட்டத்தின் ஒரு பகுதி, தேனி, தர்மபுரி, சேலம், கோவை, ஈரோடு, நாமக்கல்போன்ற பகுதிகளும் பயன் பெறும்.

சென்னையில் இந்த வருடம் வழக்கத்தை விட வெயில் சற்று அதிகமாகவே காணப்பட்டது. நுங்கம்பாக்கத்தில் அதிகபட்சமாக104 டிகிரி பாரன்ஹீட் வெப்பம் பதிவாகியிருந்தது. மீனம்பாக்கத்தில் அதிகபட்சமாக 103.28 வெயில் பதிவானது என்றார்.