பெங்களூர் அல்லது ஹைதராபாத்தில் விரைவில் அமெரிக்க தூதரகம்

வாஷிங்டன்:

பெங்களூர் அல்லது ஹைதராபாத்தில் ஒரு துணைத் தூதரகத்தைத் தொடங்க அமெரிக்கா திட்டமிட்டுள்ளது.

இப்போது தென் இந்தியாவில் சென்னையில் மட்டுமே அமெரிக்கத் தூதரகம் உள்ளது. பெங்களூர், ஹைதராபாத்தில் இருந்துஅமெரிக்கா செல்லும் சாப்ட்வேர் நிபுணர்களுக்கு இந்தத் தூதரகமே விசா வழங்கி வருகிறது.

இந் நிலையில் ஹைதராபாத் அல்லது பெங்களூரிலும் ஒரு துணைத் தூதரகத்தைத் தொடங்க அமெரிக்க வெளியுறவுத்துறைதிட்டமிட்டுள்ளது. இதற்கான மசோதா அமெரிக்க நாடாளுமன்றத்தில் விரைவில் தாக்கலாகவுள்ளதாக அந் நாட்டின்நாடாளுமன்றத்தின் தலைமை துணை கொறடாவான ஜோசப் க்ரெளலி தெரிவித்துள்ளார்.

தென் இந்தியா அடைந்து வரும் வேகமான வளர்ச்சி, சாப்ட்வேர் நிபுணர்கள் அதிக அளவில் விசா கோரி வருவது ஆகியவற்றைக்கருத்தில் கொண்டே இந்த இரு நகர்களில் ஒரு நகரில் தூதரகம் தொடங்க முடிவு செய்யப்பட்டதாக ஜோசப் தெரிவித்தார்.