ராமர் உருவத்துடன் ஷூ: வாபஸ் பெற்றது பிரான்ஸ் நிறுவனம்

லண்டன்:

இந்துக்களின் கடும் எதிர்ப்பை தொடர்ந்து ராமர் உருவத்துடன் கூடிய ஷூக்களை பிரான்ஸ் நிறுவனம் வாபஸ் பெற்றது.

பிரான்ஸை சேர்ந்த மினெல்லி என்ற ஷூ தயாரிப்பு நிறுவனம் சமீபத்தில் ராமர் உருவம் பொறித்த ஷூக்களை தயாரித்துஇங்கிலாந்து உட்பட பல ஐரோப்பிய நாடுகளுக்கு விற்பனைக்கு விட்டது. இதற்கு இங்கிலாந்தில் வசிக்கும் இந்துக்கள் கடும்எதிர்ப்பு தெரிவித்தனர்.

ராமர் உருவம் பொறித்த ஷூக்கள் விற்பனை செய்வதை நிறுத்த வேண்டும் என்று இங்கிலாந்திலுள்ள இந்து அமைப்பு கோரிக்கைவிடுத்தது. ஆனால் இதற்கு பிரான்ஸ் நிறுவனம் மறுத்து விட்டது.

இதைத் தொடர்ந்து லண்டனிலுள்ள பிரான்ஸ் தூதரகம் முன் ஆர்ப்பாட்டம் நடத்த இந்து அமைப்பு முடிவு செய்தது. உலகம்முழுவதும் உள்ள இந்துக்கள் பிரான்ஸ் நாட்டுப் பொருட்களை புறக்கணிக்க வேண்டும் என்று லண்டன் இந்து அமைப்புவேண்டுகோள் விடுத்தது.

பிரான்சில் வசிக்கும் இந்துக்களும் இதற்கு கடும் எதிர்ப்பு தெரிவித்தனர். ஆனால் முதலில் இந்த எதிர்ப்பு குறித்து பிரான்ஸ்நிறுவனம் கவலைப்படவில்லை.

ஆனால் நாளுக்கு நாள் பல்வேறு நாடுகளிலும் எதிர்ப்பு கிளம்பியதால் வேறு வழியில்லாமல் ராமர் உருவம் பொறித்த ஷூக்களைபிரான்ஸ் நிறுவனம் வாபஸ் பெறத் தொடங்கி விட்டது. இந்த ஷூக்களை தயாரிப்பதையும் அந்த நிறுவனம் நிறுத்தி விட்டது.கடைகளில் இருக்கும் ஸ்டாக்குகளையும் திருப்பி அனுப்பும்படி அந்த நிறுவனம் கேட்டுக் கொண்டுள்ளது.