நான் நல்ல பாடம் கற்றுக் கொண்டேன்: அத்வானி

டெல்லி:

பாகிஸ்தான் சுற்றுப்பயணத்தால் எழுந்த சர்ச்தை எனக்கு பல பாடங்களை கற்றுத் தந்துள்ளது என்று பாஜக தலைவர் அத்வானி கூறினார்.

பாஜக தலைவர் பதவியில் தொடர்ந்து நீடிக்க அத்வானி முடிவெடுத்த பின், கட்சி தலைமை அலுவலகத்துக்கு வந்தார். அங்கு கட்சி மத்திய நிர்வாகிகள் குழுக்கூட்டத்தில் அவர் பேசுகையில், மக்கள் எல்லா நேரங்களிலும் தொடர்ந்து ஏதாவது கற்றுக் கொண்டே இருக்கின்றனர்.

அவற்றில் சில வித்தியாசமான அனுபவமாக இருக்கும். சில எதிர்பாராததாகவும், ஆச்சரியமான அனுபவமாகவும் இருக்கும். அதேபோல் தான், என்னுடையபாகிஸ்தான் பயணமும், அதைத் தொடர்ந்து ஏற்பட்ட சர்ச்சையும் எனக்கு புது அனுபவமாக அமைந்தன.

இந்த அசாதாரண அனுபவத்தின் மூலம் வாழ்க்கையில் நான் நிறைய கற்றுக் கொண்டேன். கடந்த 15 நாட்களில் நான் கற்றுக் கொண்ட விஷயங்கள் ஏராளம். பாகிஸ்தான்சென்றிருந்த போதும் நான் நிறைய கற்றுக் கொண்டேன்.

குறிப்பாக, கடந்த நான்கு நாட்களில் நான் கற்றுக் கொண்ட விஷயங்கள், எதிர்காலத்தில் என் பொறுப்புகளை சரியாக நிறைவேற்ற பேருதவியாக இருக்கும் என்றார்அத்வானி.